विश्व इमोजी दिवस २०२५: सबैभन्दा लोकप्रिय इमोजी कुन हो?

काठमाडौं ।

तपाईं सायद हरेक दिन आफ्ना साथीहरूलाई सन्देश पठाउँदा ह्याप्पी (खुसी), स्याड (दुःखी), सिल्ली (मूर्ख) जस्ता इमोजी प्रयोग गर्नुहुन्छ। तर के तपाईंलाई थाहा छ यो हरेक वर्ष किन मनाइने गरिन्छ?

धेरैजसो क्यालेन्डर इमोजीहरूमा देखाइने गरिएको मिति जुलाई १७ तारिख भएको हुनाले यस दिनलाई इमोजी दिवसको रुपमा छनौट गरिनुको कारण भएको बताइएको छ।

सन् १९९९ मा जापानी डिजाइनर शिगेताका कुरिताले पहिलो इमोजी आविष्कार गरेका थिए। त्यसपछि निकै लोकप्रिय बनेको इमोजीहरु सन्देशमार्फत हरेक दिन लगभग १० अर्ब पठाइने गरिएको छ।

यो वर्ष बाह्रौं इमोजी दिवस भएको बताइएको छ तल सर्वकालिक सबैभन्दा लोकप्रिय इमोजीहरू सहित प्रतीकहरूको बारेमा थप जानकारीहरु रहेका छन्।

सबैभन्दा धेरै प्रयोग हुने इमोजी कुन हो?

प्रत्येक इमोजीलाई युनिकोड कन्सोर्टियमले अनुमोदन गर्नुपर्छ। युनिकोड कन्सोर्टियम कुन नयाँ इमोजी क्यारेक्टरहरू प्रस्तुत गर्ने भनेर निर्णय गर्ने एउटा समूह हो।

कुल ३,५२१ इमोजीहरु मध्येबाट छनौट गर्न कहिलेकाहीं कुन प्रयोग गर्ने भनेर छान्न गाह्रो हुन सक्छ, तर इमोजीपिडियाका इमोजी विज्ञहरूका अनुसार यहाँ प्रायः प्रयोग हुने शीर्ष तीन इमोजीहरु प्रस्तुत गरिएका छन्।
रेड हार्टः
नम्बर एकमा, यो क्लासिक रेड हार्ट रहेको छ। यसले तपाईंलाई कसैलाई वा केहि मन पराउनु हुन्छ भनेर देखाउँछ र यो इमोजी पठाउँदा पनि निकै राम्रो देखिने जनाइएको छ। इमोजीपिडियाका अनुसार “पुरानो वा नयाँ सबै इमोजीहरूमध्ये सबैभन्दा प्रिय” र यो सर्वकालिक सबैभन्दा लोकप्रिय इमोजी भएको बताइएको छ।
लाउड्ली क्राइङ फेसः
इमोजीपिडियाका अनुसार लाउड क्राइङ फेस (ठूलो स्वरले रोएको अनुहार) इमोजी अहिले दोस्रो सबैभन्दा सामान्य इमोजी भएको बताइएको छ। यो इमोजी (दुःखी भएको बेलाको लागि प्रयोग गरिने गरिन्छ भने यो प्रायः हाँसोसँगै रोएको देखाउने तरिकाको रूपमा पनि प्रयोग गरिन्छ।
फायरः
तेस्रो नम्बरमा फायर (आगो) को इमोजी रहेको छ। यदि कुनै चीजलाई आगोको रूपमा वर्णन गरिएको छ भने यसको अर्थ यो राम्रो छ भनेर संकेत गर्ने बताइएको छ। त्यसैले यदि तपाईंलाई आफ्नो साथीको पहिरन मनपर्दा वा तपाईंलाई मनपर्ने नयाँ हिट सिङ्गल (गीत) को बारेमा कुरा गर्दै गर्दा यो इमोजी पठाउने चलन रहेको छ।

इमोजी शब्द कहाँबाट आएको हो?इमोजीका आविष्कारक शिगेताका कुरिता।

इमोजी भन्नाले भावना व्यक्त गर्नेसँग केही सम्बन्ध छ भन्ने जस्तो लाग्न सक्छ। तर दुई शब्दहरूमा समानता पूर्णतया संयोग मात्र भएको उल्लेख गरिएको छ।

यो शब्द वास्तवमा जापानी हो जसले पिक्चर (चित्र) र क्यारेक्टर (चरित्र) को लागि कान्जीलाई संयोजन गर्दछ।

पहिलो कृति पिक्चर (चित्र) हो जुन 絵 हो र यसलाई ‘भज’ उच्चारण गरिन्छ। जापानी भाषामा अक्षर वा चरित्र 文字 हो र यसलाई ‘mōवष्’ उच्चारण गरिन्छ।

इमोजी भन्दा पहिले के थियो?
तपाईं आफ्ना साथीहरूसँग च्याट गर्दा अझै पनि यस्तै सर्टह्याण्ड (लघुलेखन) प्रयोग गर्न सक्नुहुन्छ। वास्तवमा भावनाबाट आएको शब्द इमोटिकन भएको बताइएको छ।

यी इमोजीहरू अस्तित्वमा आउनुभन्दा पहिले के प्रयोग गरिन्थ्यो?
यी शब्दहरू इमोजीहरू अस्तित्वमा आउनुभन्दा पहिले प्रयोग गरिन्थ्यो।

उल्लेखनिय रूपमा, मानिसहरूले फरक भावनाहरू मिल्दोजुल्दो बनाउन फरक विराम चिन्ह, संख्या र अक्षरहरू टाइप गर्ने गरेको बताइएको छ।

उदाहरणका लागि, कोलोन र क्लोज ब्र्याकेट टाइप गर्दा स्माइली अनुहार जस्तो देखिने भएकोले यो खुशी व्यक्त गर्न प्रयोग गरिनेछ :)।

नयाँ इमोजीहरू कसरी सिर्जना र स्वीकृत हुन्छन्?

युनिकोड कन्सोर्टियम नामक गैर–नाफामुखी संस्थाले नयाँ इमोजीहरू सिर्जना गर्ने जिम्मेवारी लिने गरेको बताइएको छ।

जो कोहीले पनि प्रस्ताव पेश गर्न सक्ने र त्यसपछि युनिकोडले ती सबैलाई हेरेर कुन बनाउने भनेर निर्णय गर्ने जनाइएको छ।

तिनीहरूको निर्णयहरू विश्वभरका कति मानिसहरूले तिनीहरूलाई चिन्ने र प्रयोग गर्नेका साथै अन्य कुराहरूमा आधारित हुन्छन्।

एक पटक अनुमोदित भएपछि, तिनीहरूलाई युनिकोड मानकमा थपि गरिने र त्यसपछि एप्पल र गुगल जस्ता कम्पनीहरूले तिनीहरूलाई आफ्नो डिभाइसहरूमा थप्न छनौट गर्न सक्ने बीबीसीले रिपोर्ट गरेको छ।