Technology Khabar २७ असार २०८२, शुक्रबार
काठमाडौं ।
सामसङले फ्ल्यागशिप ग्यालेक्सी जेड फोल्ड ७ सँगसँगै दुई नयाँ क्ल्यामशेल फोल्डेबलहरू आधिकारिक रूपमा अनावरण गरेको छ। फ्ल्यागशिप ग्यालेक्सी जेड फ्लिप ७ यसको पूर्ववर्ती भन्दा विभिन्न अपग्रेडहरू सहितको प्रिमियम मोडेल भएको बताइएको छ।
सामसङ ग्यालेक्सी जेड फ्लिप ७ः
दक्षिण कोरियाली टेक जायन्टले ग्यालेक्सी जेड फ्लिप ७ मा केही साना तर उल्लेखनीय परिवर्तनहरू गरेको छ। सामसङको पुरानो ग्यालेक्सी जेड फ्लिप ६ ६.७ इन्चको मुख्य फोल्डिङ डिस्प्ले भएको सानो फ्लिप फोनहरू मध्ये एक थियो। तर ग्यालेक्सी जेड फ्लिप ७ ले अब १२० हर्ज रिफ्रेस रेट, एफएचडी+ रिजोल्युसन, र २६०० निट्सको पीक ब्राइटनेस भएको ६.९ इन्चको डायनामिक एमओएलईडी २एक्स प्यानल समावेश गरेको छ।
कभर स्क्रिन पनि अब ४.१ इन्चको अग्लो सुपर एमओएलईडी फ्लेक्सविन्डो स्क्रिन समावेश गरिएको छ जुन कोर्निङ गोरिल्ला ग्लास भिक्टस २ द्वारा सुरक्षित रहेको छ। साथै यो अन्ततः अन्य आधुनिक फ्लिप फोनहरूमा जस्तै एज–टु–एज स्क्रिन भएको बताइएको छ। यद्यपि, कभर प्यानलमा केवल १०४८ x ९४८ पिक्सेल रिजोल्युसनको साथमा ६० हर्ज वा १२० हर्ज रिफ्रेस रेट रहेको उल्लेख गरिएको छ।
डिजाइनको कुरा गर्दा, ग्यालेक्सी जेड फ्लिप ७ को मापन फोल्ड गर्दा १३.७ एमएम र अनफोल्ड गर्दा (खोल्दा) ६.५ एमएम हुनेछ। त्यसैगरी डिभाइसको तौल तुलनात्मक रूपमा १८८ ग्राम रहेको उल्लेख गरिएको छ। यो जेड फ्लिप ६ भन्दा बाक्लो भए पनि, यसमा नयाँ आर्मर फ्लेक्सहिञ्ज र आर्मर एल्युमिनियम फ्रेमको कारणले गर्दा हिञ्ज पातलो र टिकाउ भएको दाबी गरिएको छ। यस बाहेक पानी र धुलो प्रतिरोधको लागि आईपी४८ मूल्याङ्कन पनि उपलब्ध हुने थप उल्लेख गरिएको छ।
सामसङले फ्लिप मोडेलहरू सहितको आफ्नो फोल्डेबल स्मार्टफोनको साथ पहिलो पटक ठूलो परिवर्तन गरेको छ। स्न्यापड्रागनले अहिलेसम्म सबै सामसङ फोल्डेबलहरूलाई पावर प्रदान गर्दै आएको थियो। तर अब ग्यालेक्सी जेड फ्लिप ७ ले एक्सिनोस २५०० एसओसीको साथ जेड फोल्ड ७ मा स्न्यापड्रागन ८ एलिटलाई छोडेको हुनाले यसले सामसङका फ्लिप फोनका केही प्रशंसकहरूलाई निराश पार्न सक्ने उल्लेख गरिएको छ।
ब्याट्रीतर्फ जेड फोल्ड ६ मा रहेको ४,०००एमएएच सेलबाट बढाएर जेड फोल्ड ७ मा ४,३००एमएएच सेलमा पुर्याइएको छ। यद्यपि द्रुत चार्जिङ रेट भने अझै पनि २५ वाट (१५वाट वायरलेस चार्जिङको साथ) नै रहेको बताइएको छ। अप्टिक्सको सन्दर्भमा, पछाडिको भागमा ५० मेगापिक्सेलको मुख्य क्यामरा (ओआईएस, एफ÷१.८, १.०μm) छ जुन १२ मेगापिक्सेलको अल्ट्रा वाइड एङ्गल लेन्स (एफ÷२.२, १.१२μm) सँग जोडिएको छ्। अगाडिको भागमा १० मेगापिक्सेलङ्गो सेल्फी शूटर (एफ२.२, १.१२μm) समावेश गरिएको छ। अन्य उल्लेखनीय सुविधाहरूमा ब्लुटुथ ५.४, एनएफसी, डोल्बी एटमोस सहितको स्टेरियो स्पिकर, वाईफाई ७, एन्ड्रोइड १६ ओएसमा आधारित वा यूआई ८ कस्टम स्किन आउट अफ द बक्स र ग्यालेक्सी एआई समावेश रहेका छन्।
मूल्य निर्धारण र उपलब्धताः
सामसङको नयाँ ग्यालेक्सी जेड फ्लिप ७ ब्लू स्याडो, जेट–ब्ल्याक, कोरल–रेड र मिन्ट गरी धेरै रङ्ग विकल्पहरूमा घोषणा गरिएको छ। तर मिन्ट भेरियन्ट भने सामसङको आधिकारिक वेबसाइटमा मात्र उपलब्ध हुने बताइएको छ। ब्रान्डले ग्यालेक्सी जेड फ्लिप ७ को लागि प्रि–अर्डर सुरु गरेको छ र पहिलो बिक्री जुलाई २५ तारिखमा सुरु हुने गीज्मोचाइनाले उल्लेख गरेको छ।
ग्यालेक्सी जेड फ्लिप ७ को विश्वव्यापी मूल्य निर्धारणः
ग्यालेक्सी जेड फ्लिप ७ को भारतीय मूल्यः
प्रकाशित: २७ असार २०८२, शुक्रबार
