भारतीय मूलका सबिह खानले एप्पलमा पाए प्रमुख सञ्चालन अधिकारीको पदभार

काठमाडौं ।

भारतीय मूलका सबिह खानलाई एप्पल इंक भित्र प्रमुख मध्येको एक जिम्मेवारी दिइएको छ। अब उनी कम्पनीमा प्रमुख सञ्चालन अधिकारी (सीओओ) को रुपमा काम सम्हाल्नेछन्। कम्पनीले यो घोषणा गर्दै उनी लामो समयदेखि कम्पनीमा सेवा गर्दै आएको बताएको छ।

सबिह खानको जन्म भारतको उत्तर प्रदेशको मुरादाबाद शहरमा भएको थियो।

सबिह खानले अब जेफ विलियम्सको स्थान लिनेछन्, जो लामो समयदेखि आईफोन निर्माता एप्पलका प्रमुख अपरेटिङ अफिसर रहेका छन्। विलियम्सले यसै महिना आफ्नो पदबाट राजीनामा दिने बताईएको छ। साथै, उनी यस वर्षको अन्त्यमा अवकाश लिनेछन्। जेफ विलियम्सले एप्पलमा २७ वर्ष काम गरेका थिए।

जेफ विलियम्सले एप्पलमा २७ वर्षदेखि काम गर्दै आएका छन्। अब उनी अवकाश नपाउन्जेलसम्म कम्पनीको डिजाइन टोलीको व्यवस्थापन गर्नेछन्। यस अवधिमा उनले कम्पनीका सीईओ टिम कुकलाई रिपोर्ट गर्नेछन्। जेफ विलियम्सको अवकाश पछि, डिजाइन टोलीले सिधै टिम कुकलाई रिपोर्ट गर्नेछ।

अमेरिकाले लागू गरेको नयाँ शुल्कबाट चुनौती सामना गरिरहेको बेला कम्पनीले यो परिवर्तन गर्न लागेको हो। यसका साथै कम्पनीले एआईको स्तरमा पनि ठूलो तयारी गरिरहेको छ। सन् २०१९ मा सबिह खानले एप्पल भित्र कार्यकारी टोलीमा सञ्चालन खण्डमा वरिष्ठ उपाध्यक्षको जिम्मेवारी सम्हालेका थिए। यसपछि उनले एप्पलको विश्वव्यापी आपूर्ति शृङ्खला, उत्पादन गुणस्तर र योजना, निर्माण, रसद आदिको जिम्मेवारी सम्हाले।

सबिहले ३० वर्षदेखि एप्पल कम्पनीमा काम गर्दै आएका छन्। सबिह खानले १९९५ मा एप्पल कम्पनीबाट आफ्नो करियर सुरु गरेका थिए। हालसम्म उनले कम्पनीमा ३० वर्ष सेवा दिइसकेका छन्।