माइक्रोसफ्ट एज अब उल्लेखनीय रूपमा पहिले भन्दा छिटो भएको घोषणा

काठमाडौं ।

माइक्रोसफ्टले एज ब्राउजर अब पहिले भन्दा उल्लेखनीय रूपमा छिटो भएको ब्लग पोस्टमा घोषणा गरेको छ।

“विगत केही महिनाहरूमा गरिएका प्रयासहरू मार्फत, हामी एउटा महत्त्वपूर्ण कोसेढुङ्गामा पुगेका छौंः हामीले ३०० मिलिसेकेन्डभन्दा कम समयको विश्वव्यापी फस्र्ट कन्टेन्टफुल पेन्ट (एफसीपी) हासिल गरेका छौं” भनी कम्पनीले बताएको रिपोर्ट गरिएको छ।

एफसीपीले ब्राउजरले वेब पेजमा कन्टेन्ट कति छिटो प्रदर्शन गर्न थाल्छ भनेर मापन गर्दछ र ३०० मिलिसेकेन्डभन्दा कम मानको अर्थ कन्टेन्ट (सामग्री) लगभग तुरुन्तै प्रदर्शित हुन्छ भनेर बुझ्न सकिने बताइएको छ।

त्यसैगरी माइक्रोसफ्टले ३०० देखि ४०० मिलिसेकेन्डभन्दा माथिको लोड समयले प्रयोगकर्ता अनुभवमा नकारात्मक प्रभाव पार्न सक्ने औंल्याएको छ। साथै एफसीपी पूर्ण रूपमा लोड गरिएको पृष्ठ जस्तै होइन भन्ने कुरामा पनि ध्यान दिनुपर्ने उल्लेख गरिएको छ।

एजले सेटिङहरू, ठूलो स्वरमा पढ्ने, स्क्रिन सेयरिङ्ग, र वर्कस्पेसहरू सहित १३ प्रमुख सुविधाहरूको लागि औसत ४० प्रतिशत छिटो लोड समय हासिल गरेको भनी माइक्रोसफ्टले बताएको टेलीग्राफले रिपोर्ट गरेको छ।

भिडियो हेर्नुहोस्ः