काठमाडौं ।
पेन्टागनले सोमबार अमेरिकी रक्षा विभागलाई कृत्रिम बुद्धिमत्ता उपकरणहरू प्रदान गर्न च्याटजीपीटीको निर्माता ओपनएआईसँग २०० मिलियन डलरको सम्झौतामा हस्ताक्षर गरेको घोषणा गरेको छ।
“यस सम्झौता अन्तर्गत, कम्पनीले युद्धको क्षेत्र र प्रशासनिक प्रणाली दुवैमा महत्वपूर्ण राष्ट्रिय सुरक्षा चुनौतीहरूलाई सम्बोधन गर्न सबैभन्दा उन्नत कृत्रिम बुद्धिमत्ता प्रविधिहरूको प्रोटोटाइपहरू विकास गर्नेछ” पेन्टागनले एक आधिकारिक विज्ञप्तिमा बताएको छ।
मुख्यतया वाशिंगटन, डीसी र वरपर यसको काम हुनेछ भने यो परियोजना सन् २०२६ जुलाईमा सम्पन्न हुने तालिका रहेको उल्लेख गरिएको छ।
गत हप्ता, ओपनएआईले यसको आफ्नो वार्षिक राजस्व वृद्धि दर १० बिलियन अमेरिकी डलर पुगेको घोषणा गरेको छ। यसले कम्पनीलाई कृत्रिम बुद्धिमत्ताको प्रयोग द्रुत गतिमा बढिरहेको समयमा आफ्नो वार्षिक लक्ष्यहरू पूरा गर्न ट्रयाकमा राखेको बताइएको छ।
गत मार्चमा, ओपनएआईले जापानी कम्पनी सफ्टबैंकको नेतृत्वमा ३०० बिलियन अमेरिकी डलरको मूल्याङ्कनमा ४० बिलियन अमेरिकी डलरसम्म जुटाउने योजना बनाएको घोषणा गरेको थियो। साथै मार्च महिनाको अन्त्यसम्ममा, ओपनएआईको साप्ताहिक सक्रिय प्रयोगकर्ताहरूको संख्या ५० करोड पुगेको टेलीग्राफले रिपोर्ट गरेको छ।
प्रकाशित: ४ असार २०८२, बुधबार
