खगोलविद्हरूले अनौठो संकेतहरू उत्सर्जन गर्ने रहस्यमय डीप स्पेस अब्जेक्ट पत्ता लगाए

काठमाडौं ।

वैज्ञानिकहरूलाई चकित पार्ने एउटा खोजमा, खगोलविद्हरूले डीप स्पेस (गहिरो अन्तरिक्ष) मा एक रहस्यमय अब्जेक्ट (वस्तु) पहिचान गरेका छन् जसले पहिले अवलोकन गरिएको कुनै पनि कुरा(वस्तु) भन्दा फरक रुपमा रेडियो वेभ्स (तरंगहरू) र एक्स–रेहरूको नियमित विस्फोटहरू उत्सर्जन गर्ने बताइएको छ।

एएसकेएपी जे१८३२– ०९११ ( ASKAP J1832-0911) नामक उक्त वस्तु, पहिले अष्ट्रेलियाको स्क्वायर किलोमिटर एरे पाथफाइन्डर (एएसकेएपी) रेडियो टेलिस्कोप द्वारा पत्ता लगाइएको र पछि नासाको चन्द्र एक्स–रे अबजर्भेटरी द्वारा पुष्टि गरिएको बताइएको छ। साथै उक्त टेलिस्कोप सञ्चालनमा रहेको सबैभन्दा उन्नत अन्तरिक्ष–आधारित एक्स–रे टेलिस्कोपहरू मध्ये एक हो।

नेचर जर्नलमा प्रकाशित एक नयाँ अध्ययन अनुसार, वस्तुले प्रत्येक ४४ मिनेटमा दुई मिनेटको लागि तीव्र संकेतहरू जारी गर्ने बताइएको छ भने यो एक अत्यधिक असामान्य ढाँचा भएको र ज्ञात ब्रह्माण्डीय पिण्डहरूको अवस्थित मोडेलहरूमा फिट नहुने उल्लेख गरिएको छ।

“यो हामीले पहिले देखेका कुनै पनि कुरा भन्दा फरक छ” अष्ट्रेलियाको कर्टिन विश्वविद्यालयका प्रमुख अनुसन्धानकर्ता एन्डी वाङले भने। एएसकेएपी जे१८३२– ०९११ (ASKAP J1832-091) लाई “लङ्ग पिरियोड ट्रान्सियण्ट” (एलपीटी) को रूपमा वर्गीकृत गरिएको छ जुन एक दुर्लभ प्रकारको ब्रह्माण्डीय स्रोत हुनुका साथै यसले लामो र नियमित अन्तरालमा ऊर्जाको विस्फोट उत्सर्जन गर्दछ भनि थप उल्लेख गरिएको छ।

अनुसन्धानकर्ताहरूले उक्त वस्तु मृत ताराको अत्यधिक चुम्बकीय अवशेष वा सायद म्याग्नेटाइज्ड ह्वाइट ड्वार्फ समावेश गर्ने बाइनरी प्रणालीको भागको म्याग्नेटार (चुम्बकीय) हुन सक्ने शंका गरेका छन्। यद्यपि, संकेतहरूको सटीक प्रकृति भने अझै पनि अस्पष्ट रहेको उल्लेख गरिएको छ।

“सबैभन्दा सम्भावित व्याख्याहरूले पनि हामीले अवलोकन गरिरहेका कुराहरूको पूर्ण रूपमा हिसाब गर्दैनन्” वाङले उल्लेख गरे र “खोजले नयाँ खगोलीय घटना वा तारकीय विकासको पहिले अज्ञात चरणहरूमा संकेत गर्न सक्छ” भनि थप उल्लेख गरेका छन्।

टोलीले अब रेडियो र एक्स–रे टेलिस्कोपहरूको संयोजन प्रयोग गरेर समान वस्तुहरू फेला पार्ने आशा राखेको छ जसले यस्ता लामो–अवधिका क्षणिकहरूको रहस्यमय व्यवहारमा प्रकाश पार्न सक्ने बताइएको छ।

यो खोज अन्तरिक्ष विज्ञानमा हालैका सफलताहरूको श्रृंखलाको बीचमा आएको हो। यस महिनाको सुरुमा, वैज्ञानिकहरूले जैविक गतिविधिलाई संकेत गर्न सक्ने संकेतहरूको आधारमा एक्सोप्लानेटमा जीवनको सम्भावित संकेतहरू हुन सक्ने विश्वास गरेको रिपोर्ट गरेका छन् जुन अर्को खोज हो र जसले वैज्ञानिक समुदायमा उत्साह र बहस जगाएको एनडीटिभीले रिपोर्ट गरेको छ।