वैशाख मसान्तसम्म २३ अर्बमाथिको विद्युतीय सवारी आयात

काठमाडौं ।

२०८२ वैशाख मसान्तसम्ममा नेपालमा २३ अर्ब ९ करोड रुपैयाँ हाराहारीको ९ हजार ८ सय ५० थान विद्युतीय चारपाङ्ग्रे सवारी साधान आयात भएको छ।

भन्सार विभागले हालै सार्वजनिक गरेको चालु आर्थिक वर्ष २०८१/८२ को वैशाख २०८२ महिनासम्मको वैदेशिक व्यापार प्रतिवेदनमा यो आँकडा उल्लेख गरिएको पाइएको हो।

प्रतिवेदनका अनुसार यसरी भित्रिएका चारपाङ्ग्रे सवारी साधनमा विशेषगरी सामान्य कार, जीप र भ्यानका साथै अतिरिक्त मोटर पावर भएका कार, जीप र भ्यान रहेका छन्। यो सूचीमा तीनपाङ्रे र दुईपाङ्रे सवारी साधनलाई समावेश गरिएको छैन।

चालु आर्थिक वर्ष २०८१/८२ को दशौं महिना चैतसम्म नेपाल भित्रिएका चारपाङ्ग्रे सवारी साधनको समग्र मूल्य २३ अर्ब ९ करोड ९३ लाख २२ हजार रुपैयाँ रहेको छ।

अघिल्लो महिना चैतसम्म १८ अर्ब ६१ करोड ५८ लाख ३० हजार रुपैयाँ बराबरको ७ हजार ९५८ थान चारपाङ्ग्रे विद्युती सवारी साधन आयात भएका थिए। यसरी हेर्दा चैत २०८१  बाट वैशाखसम्मको १ महिनामा ४ अर्ब ४८ करोड ३४ लाख ९२ हजार बराबरको १ हजार ८९२ चारपाङ्ग्रे सवारी भित्रिएको देखिन्छ।

भन्सार विभागका अनुसार यस अवधिमा चीन, भारत र जर्मनी, द. कोरिया, इण्डोनेसिया र अमेरिका गरी विश्वका ६ देशबाट ती सवारी साधन भित्रिएका हुन्।

यस्तो छ आयातको विवरण:

५० किलोवाटसम्मको कार, भ्यान र जीप

५१ देखि १०० किलोवाटदेखि सम्मको कार, भ्यान र जीप

१०१ देखि २०० किलोवाटदेखि सम्मको कार, भ्यान र जीप

२०१ देखि ३०० किलोवाटदेखि सम्मको कार, भ्यान र जीप

३०० किलोवाटदेखि माथिको कार, भ्यान र जीप