ओपनएआईद्वारा च्याटजीपीटीको डीप रिसर्च टूलको लाइट भर्सन सार्वजनिक

काठमाडौं ।

ओपनएआईले आफ्नो च्याटजीपीटीको डीप रिसर्च टूलको नयाँ “लाइट” संस्करण ल्याएको घोषणा बिहीबार गरेको छ। यो उपकरणले इन्टरनेटबाट जानकारी सङ्कलन गरेर कुनै विषयमा अनुसन्धान रिपोर्ट तयार पार्ने काम गर्छ।

नयाँ लाइट भर्सन च्याटजीपीटी प्लस, टिम र प्रो प्रयोगकर्ताहरूका लागि उपलब्ध हुनेछ। कम्पनीकाअनुसार यो सेवा निःशुल्क च्याटजीपीटी प्रयोगकर्ताहरूलाई पनि प्रदान गरिनेछ। यसलाई ओपनएआईको ओ४-मिनी मोडेलको संस्करणले सन्चालन गर्नेछ।

यो “हल्का” संस्करण मूल गहिरो अनुसन्धानजस्तो शक्तिशाली नभए पनि ओपनएआईले यसलाई कम लागतमा सेवा दिन मिल्ने बताएको छ, जसले गर्दा प्रयोग सीमा बढाउन सकिनेछ।

“प्रतिक्रियाहरू सामान्यतः छोटा हुनेछन्, तर तपाईंले अपेक्षा गर्नुभएको गहिराइ र गुणस्तर कायम रहनेछ,” ओपनएआईले एक्समा पोस्ट गर्दै भनेको छ। “जब मूल डीप रिसर्चको सीमा पुग्छ, त्यसपछि स्वचालित रूपमा ‘लाइट’ संस्करणमा रूपान्तरण हुन्छ।”