सेवा प्रवाह चुस्त बनाउन चौरजहारी नगरपालिकाले ‘एआई च्याटबोट सञ्चालनमा ल्याउने

काठमाडौं ।

रुकुमपश्चिचमको चौरजहारी नगरपालिकाले ‘एआई च्याटबोट प्रयोगमा ल्याउने भएको छ। एकीकृत सेवा प्रबाह सञ्चालन गरेर सेवाग्राहीलाई सहज बनाएको नगरपालिकाले च्याटबोटमार्फत सहज सेवा प्रबाहको तयारी गरेको हो।

सेवा प्रवाहको सरलीकरणमा नवीनतम सूचना प्रविधिको उपयोग गर्ने उद्देश्यले च्याटबोट सञ्चालनमा ल्याउन लागिएको नगरपालिकाका उपप्रमुख ईश्वरी शर्मा बिएमले जानकारी दिए।

उनका अनुसार नगर कार्यपालिकाको कार्यालयबाट प्रदान गरिने सेवा, आवश्यक कागजात सेवा लिने प्रक्रिया, लाग्ने दस्तुर प्रतिवेदन सम्पर्क नम्बरलगायतका आवश्यक जानकारी च्याटबोटले सहज रूपमा उपलब्ध गराउने छ।

यसका साथै नगरपालिका कार्यालयसँग सम्बन्धित रहेर खोजेको जानकारी तथ्यमूलक रूपमा च्याटबोटले प्रदान गर्ने उनले जनाए।

अधिकृत शेरप्रसाद ढकालले प्रविधिमैत्रो सेवा प्रवाहका लागि च्याटबोट सञ्चालन गर्न लागिएको बताए। नगरपालिका कार्यालयसँग सम्बन्धित जानकारी सहज रूपमा प्रदान गर्न एआई पाटबोट प्रयोगमा ल्याउन लागेको उनले स्पष्ट पारे। उनका अनुसार च्याटबोट प्रयोगमा देखिएका प्रारम्भिक त्रुटि पहिचान तथा समाधानका लागि कर्मचारीलाई अभिमुखीकरण गरिएको छ।

निमित्त प्रमुख प्रशासकीय अधिकृत ढकालले न्याटबोट प्रविधिमा आधारित कम्प्युटर प्रोग्राम रहेको बताए। यसमा दोहोरो कुराकानीसमेत गर्न सकिने छ। च्याटबोटले मानिससँग लेखेर वा बोलेर दुवै माध्यमबाट काम गर्ने भएकाले सेवाग्राहीलाई सहज होस् भनेर प्रयोगमा ल्याउन लागिएको उनको भनाइ छ।

नगरपालिकामा एआई च्याटबोट प्रयोगमा आएसँगै सेवाग्राहीले घरबाटै चाहिएको जानकारी प्राप्त गरी आवश्यक तयारी गर्न सहज हुने उनको विश्वास रहेको छ। च्याटबोटको औपचारिक सञ्चालन एक महिनाभित्रै गरिने छ। नगरपालिकाको सेवा प्रवाहलाई प्रविधिमैत्री बनाउन नगरपालिकाका निमित्त प्रमुख प्रशासकीय लागि परेको नगरपालिकाले जनाएको छ।

आजको गोरखापत्रबाट