ह्वावे पुरा एक्समा किरिन ९०२० चिपसेट राखिएको खुलासा

काठमाडौं ।

ह्वावेले बिहीबार चिपसेटको बारेमा केही उल्लेख नगरी आफ्नो फोल्डेबल स्मार्टफोन ‘पुरा एक्स’ अनावरण गरेको छ। एसओसी अवस्थाको बारेमा टिप्पणी नगर्ने कम्पनीको नीति भएता पनि फोल्डेबल स्मार्टफोनमा किरिन ९०२० भएको थाहा हुन आएको छ। लन्चपछि यो डिभाइस व्यावहारिक अनुभवको लागि उपलब्ध गराइएको छ।

जीएसएमएरिनाका अनुसार किरिन ९०२० ह्वावेको चिपसेट डिभिजन हाई सिलिकनद्वारा एक स्व–विकसित प्लेटफर्म भएको बताइएको छ। यसले सन् २०२४ को नोभेम्बरमा ह्वावे मेट ७० सिरिजको साथ डेब्यू गरेको थियो।

हार्डवेयर जानकारी एपहरूले डिभाइसमा १२–कोर सीपीयू भएको खुलासा गरेको छ। यो हाइपरथ्रेडिङको कारणले गर्दा यस्तो भएको हो भने चिपमा ८–कोर प्रोसेसर रहेको छ।

त्यसैगरी यसलाई ब्रेकडाउन गर्दा एक २.५ गीगाहर्ज टाइशन(ताइशान) बिग कोर, तीनवटा २.१५ गीगाहर्ज टाइशन(ताइशान) मिड र चारवटा १.५३ गीगाहर्ज कोर्टेक्स–ए५१० कोर भएको खुलासा हुन आएको छ।

माथिल्लो कोर इन–हाउस टाइशन (ताइशान) भए पनि चार साना एकाइहरू भने आर्म–आधारित कोर्टेक्स–ए५१० हुन् जुन ह्वावेलाई एन्टिटी लिस्टमा थप्नु अघि विकसित र अधिग्रहण गरिएको थियो।

किरिन ९०२० मा रहेको जीपीयू मेलुन ९२० भएको बताइएको छ जुन अर्को इन–हाउस उत्पादन हो। यो ८४० मेगाहर्ज सम्म चल्ने उल्लेख गरिएको छ भने आर्किटेक्चर वा प्रोसेसिङ युनिटङ काउण्ट (एकाइ गणना) को बारेमा कुनै पनि विवरण उपलब्ध छैन।

त्यसका साथै सीपीयू पर्फमेन्स क्वालकमको फ्ल्यागशिप चिप्सबाट भन्दा टाढा नभएको र जीपीयूले अझै पनि मध्य–दायरा एकाइको रूपमा कार्य गर्ने जीएसएमएरिनाले उल्लेख गरेको छ।