वार्नर ब्रदर्सका डीभीडी छ? अब काम नगर्ने पनि हुन सक्छ

काठमाडौं ।

सावधानीपूर्वक चयन गरिएका शीर्षकहरूको डीभीडी संग्रह भएका चलचित्र प्रशंसकहरूले अब आफ्नो संग्रहमा वार्नर ब्रदर्स डिस्कहरूको स्थिति जाँच गर्नुपर्ने भएको छ।

सन् २००६ र २००८ को बीचमा रिलिज भएका सयौं वार्नर ब्रदर्स डिस्कहरू डिस्क रट अर्थात् बिग्रने भएको र यसले गर्दा सञ्चालनको क्रममा अड्किने र पूर्ण रुपमा नचल्ने टेलिग्राफले रिपोर्ट गरेको छ।

राम्रोसँग भण्डारण गरिएका र प्रयोग गरिएका डीभीडीहरू यति छोटो अवधिमा नबिग्रनु पर्ने भए पनि उत्पादन चरणको क्रममा गम्भीर समस्याले केही वार्नर ब्रदर्स डिस्कहरूलाई असर गरेको हुन सक्ने सुझाव दिइएको छ।

त्यसैगरी कम्पनीले भने समस्या स्वीकार गरेको र क्षतिग्रस्त डिस्कहरूको लागि प्रतिस्थापन प्रदान गरिरहेको छ। तर कम्पनीले वार्नर ब्रदर्ससँग अझै पनि शीर्षकको अधिकार भएका र केवल उत्पादनमा रहेका शीर्षकहरूको लागि मात्र उक्त प्रतिस्थापन प्रदान गरिरहेको छ।

फिल्म साइट जोब्लोद्वारा जारी गरिएको एक विज्ञप्तिमा वार्नर ब्रदर्सले ‘केही डीभीडीमा असर गर्ने समस्याहरू बारे सचेत भएको र कम्पनीले क्षतिग्रस्त डिस्कहरू प्रतिस्थापन गर्न सक्रिय रूपमा काम गरिरहेको’ उल्लेख छ।

यो समस्याले स्पष्ट रूपमा सन् २००१ः अ स्पेस ओडिसी र सुपरम्यान जस्ता क्लासिक हलिउड चलचित्रहरूका साथै लुनी टून्स कलेक्सन र ब्याटम्यानः द एनिमेटेड सिरिज जस्ता लोकप्रिय एनिमेटेड सिरिजहरू सहित विभिन्न शीर्षकहरू समेटेको टेलिग्राफले उल्लेख गरेको छ।