एन्ड्रोइड १६ को लागि एक्सटर्नल डिस्प्ले टुल्सहरूमा काम गर्दै गुगल

काठमाडौं ।

गुगलले एन्ड्रोइडमा वास्तविक डेस्कटप ओएस क्षमताहरू थप्न लागेको र यसको प्रमाण एन्ड्रोइड १६ मा भएको उल्लेख गरिएको छ।

एन्ड्रोइड ओथोरिटिले अर्को ओएसमा एक्सटर्नल मनिटर टुल्सहरू फेला पार्न सक्षम भएको बताइएको छ जुन हाल बिटा परीक्षणमा रहेको र जसले गुगलको मनसायलाई औंल्याउने उल्लेख गरिएको छ।

हाल, तपाईंले यदि यूएसबी मार्फत एन्ड्रोइड फोनलाई एक्सटर्नल मनिटरमा कनेक्ट (जडान) गर्नुभयो भने, यो डिफल्ट (पूर्वनिर्धारित) रूपमा स्क्रिन मिररिङमा जाने बताइएको छ।

यो डेभलपर अप्सन्स (विकासकर्ता विकल्पहरू) मा लुकेको र स्मार्टफोनको डिस्प्लेलाई एक्सटर्नल मनिटरमा विस्तार गर्ने एउटा तरिका भएको बताइएको छ। अहिलेको लागि माउस एउटा स्क्रिनमा फिक्स्ड (स्थिर) हुने र स्क्रिनहरू बीच सार्न नसकिने बताइएको छ भने मिररिङ र एक्सटेन्डिङ बीच टगल गर्नको लागि रिकनेक्ट (पुनः जडान) गर्न आवश्यक रहेको उल्लेख गरिएको छ।

गुगलले माउस कर्सरलाई स्क्रिनहरू बीच सार्न सक्षम पार्नको लागि समाधानहरू लुकाएर राखेको जस्तो देखिएको छ। भविष्यमा, प्रयोगकर्ताहरूले विन्डोज पीसीहरूमा जस्तै टुल्सहरूमा पहुँच पाउनेछन् र एक्सटर्नल डिस्प्लेको स्थान परिवर्तन गर्न सकिनुका साथै एक्सटर्नल डिस्प्लेमा स्केलिङ (ङेक्स्ट र आइकन्सको साइज) छुट्टै रूपमा परिवर्तन गर्न सक्नुहुन्छ।

गुगलले आवश्यकता पर्दा एन्ड्रोइडलाई पूर्ण रूपमा विकसित डेस्कटप अपरेटिङ सिस्टममा परिणत गर्ने लक्ष्यको साथ गुगलले क्रोम ओएसलाई एन्ड्रोइडमा पनि ढाल्न सक्ने संकेत भएको जीएसएमएरिनाले उल्लेख गरेको छ।