असोज महिनामा १४ करोडभन्दा बढीको स्मार्टवाच आयात

काठमाडौं ।

चालु आर्थिक वर्ष २०८३/८४ को तेस्रो महिना असोज मसान्तसम्म नेपालमा १४ करोड भन्दा बढीको स्मार्टवाच आयात भएको छ।

भन्सार विभागले हालै सार्वजनिक गरेको आर्थिक वर्ष २०८३/८४ को उक्त अवधिसम्मको वैदेशिक व्यापारको तथ्यांकमा यस्तो उल्लेख छ।

यो अवधिमा १४ करोड २५ लाख ९५ हजार मूल्य बराबरको ३६ हजार ८९२ थान स्मार्टवाच आयात भएको छ। असोज मसान्तसम्म स्मार्टवाचका लागि यो रकम देशबाहिर जाँदा सरकारले ४ करोड १९ लाख ८६ हजार रुपैयाँ राजस्व संकलन गरेको छ।

भन्सार विभागको तथ्यांक अनुसार यो अवधिमा नेपालमा विश्वका १७ मुलुकबाट उक्त स्मार्टवाच आयात भएको देखिन्छ।

२०८४ मसान्तसम्मको आयात विवरणअनुसार सबैभन्दा धेरै ३३ हजार ३५९ थान स्मार्टवाच चीनबाट आयात भएको छ जसको समग्र मूल्य १० करोड ९६ लाख २२ हजार रुपैयाँ रहेको छ।

यसैगरी भारतबाट ८६ लाख २२ हजार बराबरको २ हजार ७९२ थान र भियतनामबाट २ करोड ३१ लाख ९५ हजार बराबरको ५१५ थान स्मार्टवाच भित्रिएको छ।

उत्कृष्ट १० विवरण यस्तो छ: