ईयूटेलस्याटले युक्रेनमा थप भूउपग्रहहरू तैनाथ गर्न काम गरिरहेको खुलासा

काठमाडौं ।

युरोपेली अधिकारीहरूले युक्रेनमा थप उपग्रहहरू तैनाथ गर्नको लागि फ्रान्सेली उपग्रह अपरेटर ईयूटेलस्याटसँग काम गरिरहेका छन्।

युक्रेनमा आफ्नो उपग्रह सेवा बढाउन फ्रान्सेली उपग्रह अपरेटरले युरोपेली अधिकारीहरूसँग काम गरिरहेको उल्लेख छ।

“हामी महत्वपूर्ण मिसनहरूको लागि थप प्रयोगकर्ता टर्मिनलहरूको द्रुत तैनाथी सक्षम पार्न युरोपेली संस्थाहरू र व्यापार साझेदारहरूसँग सक्रिय रूपमा सहकार्य गरिरहेका छौं” ईयूटेलस्याटका प्रवक्ताले भने।

यस हप्ता ब्रसेल्समा युरोपेली नेताहरूले भेटेर ब्लकको सामूहिक रक्षा नवीकरण गर्ने र युक्रेनी सेनालाई समर्थन गर्ने वाचा गरेपछि यो खबर आएको हो।

इलन मस्कद्वारा सञ्चालित उपग्रह कम्पनी स्टारलिङ्क युक्रेनमा युद्धको बीचमा एक प्रमुख खेलाडी भएको छ।

कीभ इन्डिपेन्डेन्टका अनुसार, लगभग ४२,००० स्टारलिङ्क इन्टरनेट टर्मिनलहरूले देशको सैन्य अपरेशन, अस्पताल, व्यवसाय र सहायता संस्थाहरूलाई समर्थन गरिरहेका छन् भनि युक्रेनले बताएको छ।

स्पेसएक्सका सीईओ इलन मस्कले भने मिडिया रिपोर्टहरूलाई अस्वीकार गरेको बताइएको छ। साथै मस्कले यदि युक्रेनले महत्वपूर्ण खनिजहरूको लागि संयुक्त राज्य अमेरिकासँग ५०० अर्ब डलर (४७७.२ अर्ब युरो) सम्झौतामा हस्ताक्षर नगरेको खण्डमा उपग्रहहरू हटाउने धम्की दिएका थिए।

ईयूटेलस्याटसँग विश्वभरि लो अर्थ अर्बिटमा परिक्रमा गर्ने ६३० भन्दा बढी उपग्रहहरू रहेको बताइएको छ जसले कभरेज र प्रतिक्रिया समयको लागि स्टारलिङ्क जस्तै “समान क्षमताहरू” प्रदान गर्दछ।

ईयूटेलस्याट उपग्रहहरू पहिले नै युक्रेनमा “सरकारी र संस्थागत सञ्चार” लाई समर्थन गर्न तैनाथ गरिएको टेलीग्राफले उल्लेख गरेको छ।