नयाँ फोल्डेबल फोन–रेजर ५०डी आधिकारिक अनावरण गर्ने तयारीमा मोटोरोला

काठमाडौं ।

मोटोरोला रेजर ५०डी डिसेम्बर १९ देखि जापानमा उपलब्ध हुने भएको छ र जापानी मोबाइल अपरेटर एनटीटी डोकोमोले घोषणा गरेअनुसार यो मोटोरोला रेजर ५० मोडल जस्तै हुने बताइएको छ।

मोटोरोला रेजर ५०डी मा ६.९ इन्चको एफएचडी+ पीओएलईडी इन्टरनल डिस्प्लेसँग आउने बताइएको छ जुन कर्निङ गोरिल्ला ग्लास भिक्टसले सुसज्जित रहेको छ।

साथै फोनको एक्सटर्नल डिस्प्ले ३.६ इन्च रहेको छ भने डिभाइसमा ४००० एमएएच ब्याट्री समावेश गरिएको उल्लेख छ जुन रेजर ५० (४२०० एमएएच) भन्दा सानो भएको बताइएको छ।

मोटोरोला रेजर ५०डी को रहेको ५० मेगापिक्सेलको मुख्य क्यामराले फोटोग्राफी पारखीहरूलाई सन्तुष्ट पार्ने बताइएको छ। त्यसैगरी डिभाइसमा दोस्रो क्यामरा १३ मेगापिक्सेल रेजोल्युशनको र अगाडिको क्यामरा ३२ मेगापिक्सेलको रहेको बताइएको छ।

त्यसका साथै यो फोन ८ जीबीको र्याम र २५६ जीबी इन्टरनल स्टोरेजको साथमा आउने छ। यसबाहेक फोनमा वायरलेस चार्जिङ, आईपीएक्स ङ८ रेजिस्टेन्स, हाई–रेस अडियो, स्टेरियो स्पिकरहरू र मल्टिमिडियाका लागि डल्बी एटमस समर्थन समावेश रहेका छन्।

डिजाइनको सन्दर्भमा, मोटोरोला रेजर ५०डी को मापन १७१ एमएम ह ७४ एमएम ह ७.३ एमएम रहेको छ। साथै फोनको तौल मात्र १८७ ग्राम रहेको हुनाले फोल्डेबल फोनको लागि एकदमै उपयोगी हुने बताइएको छ। मोटोरोला रेजर ५०डी को मूल्य लगभग ७५० यूरो हुने टेलीग्राफले उल्लेख गरेको छ।