प्रत्येक शनिबार एनसेलको फ्ल्यास सेल्स, ग्राहकलाई बोनस

Technology Khabar २८ मंसिर २०८१, शुक्रबार

काठमाडौं ।

एनसेलले एक विशेष साप्ताहिक फ्ल्याश सेल्स अफर संचालनमा ल्याएको छ। यो योजनाले प्याक लिएर अफरमा सहभागी हुने प्रत्येक ग्राहकलाई प्रत्येक शनिबार डाटा वा भ्वाइस टक टाइम बोनस प्रदान गर्दछ। शनिबारका दिन मात्र उपलब्ध हुने यो अफरले ग्राहकलाई बिना कुनै अतिरिक्त शुल्क थप सेवा प्रदान गर्दछ।

मंसिर २२ बाट संचालनमा आएको यो अफर पुस १३ सम्म लागू रहनेछ र यो अवधिको हरेक शनिबार ग्राहकहरुले सधैं अनका निश्चित प्याकहरु र अनलिमिटेड डाटा प्याकहरूको खरिदमा बोनस डाटा वा भ्वाइस टक टाइमको फाइदा लिन सक्छन्। प्याकको आधारमा, ग्राहकहरूले १ जीबीदेखि १० जीबी डेटा वा १० देखि १०० मिनेटसम्मको अननेट टक टाइम बोनसको रूपमा प्राप्त गर्दछन्।

यो अफरको फाइदा लिनको लागि, ग्राहकहरूले आफ्नो डिभाइसमा एनसेल एप रहेको हुनु पर्दछ। यदि एप नभएको खण्डमा डाउनलोड गरि ग्राहकले आफ्नो एनसेल नम्बर प्रयोग गरेर लग इन वा साइन अप गर्नु पर्दछ।

प्रत्येक शनिबार, ग्राहकहरूले एनसेल एपको फ्ल्याश सेल्स सेक्सनमा गई सधैं अन वा अनलिमिटेड डाटा प्याकहरू खरिद गर्न सक्छन् र खरिद पश्चात तत्काल बोनस डाटा वा टक टाइम प्राप्त गर्न सक्छन्। यो अफर सधैं अनका रु ३९९ देखि रु ९९९ सम्मका प्याकहरु र रु ५०, रु १२५ र रु ९९९ का अनलिमिटेड डाटा प्याकहरुमा उपलब्ध रहेको छन्।

प्याक सुचारु भएसँगै ग्राहकले बोनस डाटा र टक टाइम प्राप्त गर्दछन्। उदाहरणका लागि रु ३९९ को सधैं अन खरिद गर्ने ग्राहकले प्याकमा पाइने (८ जीबी डाटा, ३९९ मिनेट टक टाइम र ३९ ओटा एसएमएस) सेवा बाहेक थप १ जीबी डाटा बोनस स्वरुप प्राप्त गर्दछन्।

त्यस्तैगरी, अनलिमिटेड डाटा प्याक खरिद गर्ने ग्राहकले पनि बोनस टक टाइम प्राप्त गर्दछन्। जस्तै ३ दिनको समयसिमा रहेको रु १२५ पर्ने अनलिमिटेड डाटा प्याकको खरिदमा ग्राहकले २० मिनेट अननेट टक टाइम बोनस प्राप्त गर्दछन्।

यो अफरले बिना कुनै अतिरिक्त शुल्क थप सेवा बोनसका रुपमा प्रदान गर्ने र ग्राहकलाई डिजिटल बन्न सहयोग गर्ने भएकोले यसले विशेष महत्व राख्ने एनसेलले जनाएको छ। सधैं अन प्याक खरिद गर्ने ग्राहकले एनसेल एपको माध्यमबाट आफ्नो बाँकी डेटालाई भ्वाइसमा वा बाँकी भ्वाइसलाई डेटासँग साट्न सक्ने विशेष सुविधा पनि प्रदान गर्दै आएको जनाएको छ।

प्रोडक्टडाटाटक टाइमएसएमएसशुल्कबोनससमयसिमा
सधैं अन ३९९८ जीबी३९९३९३९९१ जीबी२८ दिन
सधैं अन ४९९१२ जीबी४९९४९४९९२ जीबी
सधैं अन ५९९२० जीबी५९९५९५९९३ जीबी
सधैं अन ७९९३० जीबीअनलिमिटेड७९७९९५ जीबी
सधैं अन ९९९५० जीबीअनलिमिटेड९९९९९१० जीबी
अनलिमिटेड डेटाअनलिमिटेड५०१० मिनेट अननेट१ दिन
अनलिमिटेड डेटाअनलिमिटेड१२५२० मिनेट अननेट३ दिन
अनलिमिटेड डेटाअनलिमिटेड९९९१०० मिनेट अननेट२८ दिन

प्रकाशित: २८ मंसिर २०८१, शुक्रबार

तपाइको प्रतिक्रिया

ताजा समाचार

च्याटजीपीटीले किन समय देखाउन सक्दैन?

  • Technology Khabar
  • २८ मंसिर २०८१, शुक्रबार

Air New Zealand cancels multiple flights due to Airbus software update

२८ मंसिर २०८१, शुक्रबार

SpaceX launches new rideshare mission

२८ मंसिर २०८१, शुक्रबार