म्याग्दीमा पनि सञ्चालनमा आयो ईभी चार्जिङ स्टेशन

काठमाडौं ।

म्याग्दी जिल्लाको बेनी नगरपालिका- कालोपुल बसपार्कमा विद्युतीय सवारीसाधन चार्जिङ स्टेसन सञ्चालनमा ल्याइएको छ। मुलुकमा विद्युतीय सवारीसाधनको प्रयोग बढ्न थालेसँगै आवश्यक पर्ने चार्जिङ स्टेसन सञ्चालनमा ल्याइएको हो।

बाहिरी जिल्लाबाट आउने सवारीसाधन तथा स्थानीय साधनलाई समेत सहज र पायक पर्ने स्थान मानिने कालीपुल बसपार्कमा स्टेसन सञ्चालनमा आएको हो। धौलागिरि गण्डकी यातायात प्रालिले म्याग्दी जिल्लामा पहिलो पटक विद्युतीय गाडी चार्जिङ स्टेसन सञ्चालनमा ल्याइएको हो।

मालढुङ्गा-बेनी-जोमसोम-कोरला सडक अन्तर्गत कालीपुलमा रहेको पर्यटक सूचना केन्द्रसँगै जोडिएर स्थापना गरिएको स्टेसनमा पाँचदेखि १० वटा सवारीसाधन चार्ज गर्न मिल्ने व्यवस्था गरिएको छ।

धौलागिरि गण्डकी यातायात प्रालिका प्रतिनिधि इश्वर कार्कीले भने, “जानकारी अनुसार मुस्ताङ घुम्न जानेलाई धेरै सहज भएको छ अहिले बेनीमा रहेका सवारीसाधनसमेत नियमित आउने गरेका न छन्।”

विगतमा विद्युतीय सवारीसाधन चार्जिङका न लागि पोखरा तथा बागलुङ जानुपर्ने बाध्यता थियो। अहिले एउटा चार्जिङ स्टेसन निर्माण गरिए पनि समय अनुकल एकै पटकमा धेरै सवारीसाधन चार्ज गर्ने स्टेसन बनाउने योजना छ।

एक सवारीसाधनलाई पूरा चार्ज गर्न न्यूनतम आधा घण्टा लाग्ने बताइएको छ। चार्जिङ स्टेसन सञ्चालनमा ल्याउन चार्जिङ मेसिनसहित अन्य खर्च गरी करिब सात लाख रुपियाँभन्दा बढी खर्च भएको छ।

बागलुङमा रहेको चार्जिङ स्टेसनमा सवारीसाधनको चाप भएमा बेनी आएर चार्जिङसमेत गर्ने गरेका छन्। चार्जिङ स्टेसनमा विद्युतीय सवारीसाधनले चार्ज गरेको प्रतियुनिट १० रुपियाँ चार्ज शुल्क तोकिएको छ।

बसपार्कमा गत हप्ताबाट राखिए‌को बार्जिक स्टेसनका बारेमा धेरैलाई जानकारी थिएन अब भने क्रमशः सबारीसाधनको चाप बढ्दै जाने अपेक्षा रहेको धौलागिरि गण्डकी यातायात प्रालिले जनाएको छ। सदरमुकाम बेनीमा बसपार्कबाहेक होटल तथा अन्य स्थानमासमेत चार्जिङ स्टेसन राख्ने तयारी भइरहेको छ।

आजको गोरखापत्रबाट