ओपनएआईले परीक्षण गर्यो च्याटजीपीटीको लागि नयाँ इन्टरफेस ‘क्यानभास’

ओपनएआईले च्याटजीपीटीको लागि नयाँ कार्यक्षेत्र इन्टरफेस क्यानभासको परीक्षण गरिरहेको छ। एआई कम्पनीले आफ्नो आधिकारिक ब्लगमा नयाँ च्याटजीपीटी वर्कस्पेसको अनावरण गरेको छ, र यो हाल च्याटजीपीटी प्लस र टिम प्रयोगकर्ताहरूका लागि उपलब्ध छ।

संस्थागत र शिक्षा क्षेत्रका प्रयोगकर्ताहरूले अर्को हप्ता क्यानभासपहुँच गर्न सक्ने इन्ग्याजेटले उल्लेख गरेको छ।

क्यानभास एउटा भर्चुअल इन्टरफेस हो, जहाँ लेखन र कोडिङ परियोजनाहरूका लागि प्रयोगकर्ताहरूले आफ्नो कामको केही भागमा क्यानभास सँग सल्लाह गर्न सक्छन्।

मुख्य च्याट स्पेसको छेउमा छुट्टै विन्डो खुल्छ, र प्रयोगकर्ताहरू आफ्नो लेखन वा कोड नयाँ “क्यानभास” मा राख्न सक्छन् र त्यसको केही अंश हाइलाइट गरेर मोडेललाई त्यसमा ध्यान केन्द्रित गर्न र सम्पादन गर्न भन्न सक्छन्, ब्लग अनुसार यो कपी इडिटर वा कोड रिभ्युअर जस्तै काम गर्दछ।

क्यानभासलाई म्यानुअली खोल्नका लागि तपाईँले आफ्नो प्रम्प्टमा “युज क्यानभास ” लेख्न सक्नुहुन्छ। साथै, ब्लग पोस्ट अनुसार, क्यानभास स्वतः पनि खुल्न सक्छ जब यसले “यो उपयोगी हुनसक्ने स्थिति पत्ता लगाउँछ।”

लेखन र कोडिङ परियोजनाहरूका लागि थुप्रै सर्टकटहरू पनि उपलब्ध छन्। लेखन परियोजनामा, प्रयोगकर्ताहरूले सुझाव सम्पादनहरू, लम्बाइ समायोजनहरू, पढ्ने स्तर परिवर्तन, र इमोजीहरूको लागि च्याटजीपीटी लाई सोध्न सक्छन्।

कोडरहरूले निश्चित लाइनहरूको कोडको समीक्षा गर्न, स्पष्टता थप्नका लागि कमेन्ट र लगहरु थप्न, बगहरू सुधार गर्न, र कोडलाई जाभास्क्रिप्ट, टाइपस्क्रिप्ट, पाइथन, जाभा, सी‌‌++ वा पीएचपीमा पोर्ट गर्न क्यानभास मोडमा च्याटजीपीटीलाई प्रयोग गर्न सक्छन्।

ओपनएआईको क्यानभास सुविधाले च्याटजीपीटीलाई अन्य एआई सहायकोंसँग प्रतिस्पर्धी बनाएको छ, जसमा एन्थ्रोपिकको आर्टिफ्याक्ट्स र कोडिङ केन्द्रित एआई मोडेल कर्सरजस्ता परियोजनाका केही क्षेत्रमा ध्यान केन्द्रित गर्न छुट्टै कार्यक्षेत्र हुने समाचारमा जनाइएको छ।