मिथ्या सूचना प्रवाह नगर्न राष्ट्रिय सूचना आयोगको निर्देशन

काठमाडौं ।

राष्ट्रिय सूचना आयोगले बाढीपहिरो जस्ता विपत्का क्रममा सार्वजनिक निकायलाई सही सूचना प्रवाह गर्न निर्देशन दिएको छ। आयोगले पारदर्शी र उत्तरदायी क्रियाकलाप लोकतन्त्रको एउटा महत्त्वपूर्ण आधारस्तम्भ रहेको भन्दै सही सूचना प्रवाह गर्न सार्वजनिक निकायलाई निर्देशन दिएको हो।

आयोगका प्रवक्ता तथा सूचना आयुक्त कमला ओली थापाले बुधबार विज्ञप्ति जारी गर्दै उपचार र राहतका लागि सार्वजनिक निकायले गरेका प्रयासबारे यथार्थ र सही सूचना समयमै पाउँदा सर्वसाधारण नागरिकबाट स्वाभाविक सहयोग र समर्थन प्राप्त गर्न सकिने विश्वास व्यक्त गरेकी छिन्।

उनले सही सूचना प्रवाह हुन नसक्दा मिथ्या, गलत, भ्रामक र अफवाहजन्य सूचनाका कारण सर्वसाधारण नागरिकलाई दिग्भनित बनाउने सम्भावना रहेकाले त्यसप्रति सजग रहन सचेत गराएकी छिन्।

प्रवक्ता थापाले राहत, उद्धार, उपलब्ध र वितरण भएका वा गरिने तथा खरिद गरिने सामग्री, सेवाबारे सञ्चारका विभिन्न माध्यमबाट नियमित रूपमा नेपाल सरकार प्रदेश सरकार तथा स्थानीय तहबाट सार्वजनिक गराउने व्यवस्था मिलाउन निर्देशन दिइन्।

आयोगले सार्वजनिक निकायमा रहेका सूचना संकलन गरी नागरिकसम्म पुन्याउने आमसञ्चारकर्मी तथा सूचनाका हकका अभियन्ताहरू सार्वजनिक निकायमा गई रहने पर्ने हुँदा निजहरूको सुरक्षाको व्यवस्था मिलाउन आवश्यक व्यवस्था गर्न ध्यानाकर्षण गराएको छ।

आजको गोरखापत्र