एफसीसीले नयाँ नियममार्फत ग्रामीण अमेरिकामा फाइभजी परियोजनलाई गति दिने

काठमाडौं ।

अमेरिकाको संघिय संचार आयोग (एफसीसी) ले ग्रामीण समुदायहरूमा फाइभजी मोबाइल ब्रोडब्यान्ड सेवाहरूको प्रयोगलाई तीव्र पार्ने उद्देश्यले नयाँ नियमहरू अपनाएको घोषणा गरेको छ।

यसको साथमा एफसीसीले ग्रामीण फाइभजी कोषमा ९ बिलियन डलर प्रदान गर्ने नियमहरू स्वीकृत गरेको छ।

युएस फेडरल कम्युनिकेसन्स कमिसनले देशका ग्रामीण भागहरूमा ५जी कभरेज सुधार गर्न ९ बिलियन अमेरिकी डलर सम्म कोष प्रदान गर्ने नियमहरू अपनाएको हो।

सन् २०२० मा पहिलो पटक स्वीकृत कोषको पुरस्कार नवीनतम ब्रोडब्यान्ड म्यापिङ डाटामा आधारित हुनेछ र खुला र्यान परियोजनाहरुको लागी समर्पित कोष पनि समावेश छ।

द्विदलीय भोटद्वारा समर्थित, यो निर्णयले एफसीसीको नयाँ परिष्कृत ब्रोडब्यान्ड कभरेज नक्शाको लाभ उठाउँदै, ग्रामीण अमेरिकाको लागि ५जी कोषलाई पुनर्जीवित गर्दछ। नक्साले लाखौं घर र व्यवसायहरूमा अझै पनि मोबाइल फाइभजी कभरेजको पहुँच नभएको देखाएको छ।

एफसीसी अध्यक्ष जेसिका रोजेनवर्सेलले यी लगानीहरूसँग अगाडि बढ्नुको महत्त्वलाई जोड दिँदै भनिन्, “हामीले ब्रोडब्यान्ड सेवा उपलब्धताको म्यापिङमा गरेको प्रगतिको साथमा, ५जी कोषलाई देश भरका ग्रामीण समुदायहरूमा घरपरिवार र व्यवसायहरू जोड्ने काम गर्न कुर्नु पर्ने कुनै कारण छैन।”

फाइभजी कोषको पहिलो चरणले अनुदान बिना फाइभजी नेटवर्क प्राप्त गर्न नसक्ने ग्रामीण क्षेत्रहरूमा भ्वाइस र ५जी मोबाइल ब्रोडब्यान्ड सेवाहरू प्रदान गर्न बहु-राउन्ड रिभर्स लिलामी मार्फत ९ बिलियन डलरसम्म विनियोजन गर्नेछ।

एफसीसी तयार भएपछि लिलामीको समय सार्वजनिक सूचना मार्फत घोषणा गरिने रिपोर्टमा उल्लेख छ।