काठमाडौं ।
सामसङ इलेक्ट्रोनिक्सले आफ्नो नयाँ प्रिमियम ट्याब्लेट ग्यालेक्सी ट्याब एस १० को लागि क्वालकमको स्न्यापड्रागन चिपसेटहरुको सट्टा मिडियाटेकको डाइमेन्सिटी ९३०० प्लस हाई-एन्ड एप्लिकेसन प्रोसेसर (एपी) प्रयोग गर्ने भएको छ। यो ट्याबलेट अक्टोबरको शुरुमा लन्च हुने कोरिया इकोनोमिक डेलीले उद्योग स्रोतहरू उद्धृत गर्दै रिपोर्ट गरेको छ।
कम्पनीले आफ्नो ग्यालेक्सी ट्याब शृंखलालाई पावर गर्न मिडियाटेकको प्रोसेसर प्रयोग गरेको यो पहिलो पटक हुनेछ। सन् २०२२ मा रिलिज भएको ग्यालेक्सी ट्याब एस ८ मा स्न्यापड्रागन ८ जेन १ फिचर गरिएको थियो, जबकि गत वर्ष लन्च गरिएको ग्यालेक्सी ट्याब एस ९ लाई स्न्यापड्रागन चिपसेटका साथमा ल्याईएको थियो।
हालै, ग्यालेक्सी ट्याब एस १० प्लस (SM-X926B) को ग्लोबल भेरियन्ट गीकबेन्चको डाटाबेसमा देखिएको थियो। सूची अनुसार, डिभाइसले कोडनेम जीटीएस१०यूको साथ चिपसेट प्रयोग गर्दछ, जुन ट्याब्लेटको अमेरिकी भेरियन्टमा पाइने समान चिपसेट हो। त्यसैले, यो प्रोसेसर सम्भवतः टिएसएमसीद्वारा निर्मित फ्ल्यागशिप ४ एनएम चिप मिडियाटेक डाइमेन्सिटी ९३०० प्लस हो।
केही उद्योग पर्यवेक्षकहरूले भनेअनुसार मिडियाटेकको डाइमेन्सिटी ९३०० प्लस (Dimensity 9300+) ले क्वालकमको नवीनतम एपी मोडेल भन्दा राम्रो कार्यसम्पादन गर्दछ, यसको मामूली मूल्यको बावजूद, स्न्यापड्रागन भन्दा लगभग १० प्रतिशत सस्तो रहेको रिपोर्टमा उल्लेख छ।
प्रकाशित: १३ श्रावण २०८१, आईतवार
