फक्सवागन आन्हुइले ल्यायो पहिलो ईभी ‘आईडी.यूएनवाईएक्स कूप एसयूभी’

काठमाडौं ।

फक्सवागन र आन्हुइ जिआङ्गुई अटोमोबाइल ग्रुपबीचको संयुक्त उद्यम फक्सवागन आन्हुइले आफ्नो पहिलो इभी ‘आईडी.यूएनवाईएक्स’ (ID.UNYX) लन्च गरेको छ।

यो स्पोर्टी कुप एसयूभीको मूल्य २० लाख ९ हजार युआन (लगभग २८,७९० अमेरिकी डलर) बाट सुरु हुने र यो तीन ओटा भेरियन्टमा आउने उल्लेख छ।

फक्सवागनको इन्टेलिजेन्ट ड्राइभिङ असिस्टेन्स सिस्टमसँग आउने

आईडी.यूएनवाईएक्स को बाहिरी डिजाइन निकै आकर्षक रहेको छ। साथै यस कुप एसयूवीमा रहेको स्लोपिङ रुफलाइन (छत) को साथ सिल्हूटले गतिशील स्ट्यान्स सिर्जना गर्दछ। लाइट स्ट्रिप र एलईडी हेडलाइटहरू रहेको स्लीक फ्रन्ट फेसियाको एकीकृत लुकको लागि ब्ल्याक्ड–आउट ए–पिलर्स र ट्रिम एक्सेन्टहरूले कम्प्लीमेन्ट गरेको जनाइएको छ।

सेमि–हिडन डोर्स ह्यान्डलहरू र २१–इन्च ह्वील (पाङ्ग्रा) हरूले स्पोर्टी अनुभवलाई थप बढाएको छ। पछाडिको भागले उज्यालो लोगो र टेललाइट्सको साथ थिम (विषयवस्तु) लाई प्रतिध्वनित गर्दछ भने तल्लो डिफ्यूजरले एरोडायनामिक एग्रेसनको टच थपेको जनाइएको छ। साथै गोल्डेन भीडब्ल्यू लोगोले लक्जरी (विलासिता) को संकेत गरेको छ।

आईडी.यूएनवाईएक्सको भित्र एक परिचित फक्सवागन फ्यामली डिजाइन ल्याङ्गवेज फिचर गरिएको छ। ड्यासबोर्डमा फ्लोटिंग सेन्ट्रल कन्ट्रोल स्क्रिन र डिजिटल इन्स्ट्रुमेन्ट क्लस्टर हावी रहेको छ भने फ्ल्याट–बटम स्टेयरिङ ह्वील र सिफ्ट नबले चालक–केन्द्रित अनुभव प्रदान गर्दछ।

साथै यसको नवीनतम आईडी.एस ५.० (ID.S 5.0) इन्फोटेनमेन्ट प्रणालीले ईभी भित्र बस्नेहरूलाई मनोरञ्जन र कनेक्टेड राख्ने छ। ट्रिम स्तरमा निर्भर भएर, आईडी.यूएनवाईएक्समा थप आराम र सुविधाको लागि प्यानोरामिक सनरुफ, रियर एयर कन्डिसनिङ भेन्टहरू र इलेक्ट्रिक टेलगेट समावेश गरिएको छ।

त्यसैगरी आईडी.यूएनवाईएक्सले प्रविधिलाई प्रमुख रुपमा फोकस गरेको उल्लेख छ। यो कार फक्सवागनको इन्टेलिजेन्ट ड्राइभिङ असिस्टेन्स सिस्टम मानक ‘आईक्यू.ड्राइभ’ सँग आउँदछ। यस सुइटमा लेन चेन्ज असिस्ट र हाइवे ड्राइभिङलाई थप आरामदायी बनाउने जस्ता सुविधाहरू सहित ट्राभल असिस्ट ३.० समावेश गरिएका छन्। स्ट्यान्डर्ड आईक्यू.पार्क (IQ.Park) ले मेमोरी पार्किङ र रिमोट कन्ट्रोल जस्ता सुविधाहरू सहित पार्किङको तनावलाई हटाउने छ। ३६० डिग्री पानोरामिक क्यामरा र १२ अल्ट्रासोनिक राडारहरूले चालकलाई उनीहरूको वरपरको पूर्ण दृश्य उपलब्ध गराउने छ।

आईडी.यूएनवाईएक्सले दुई पावरट्रेनको विकल्प प्रदान गर्दछ। रियर–ह्वील–ड्राइभ संस्करणले १७० किलोवाटको इलेक्ट्रिक मोटर प्रयोग गर्दछ भने अल–ह्वील–ड्राइभ विकल्पले १७० किलोवाटको रियर मोटरसँग ८० किलोवाटको फ्रन्ट मोटरलाई जोड्दछ।

अल–ह्वील–ड्राइभ भेरियन्टले ५.६ सेकेन्डमा ०–१०० किमी प्रति घन्टाको गति प्राप्त गर्दछ। साथै दुबै कन्फिगरेसनहरू ८२.४ किलोवाटआवर ब्याट्री प्याकसँग सुसज्जित छन्, जसले रियर–व्हील–ड्राइभ मोडेलको लागि ६२१ किमी र अल–ह्वील–ड्राइभ भेरियन्टको लागि ५६५ किमीको दायरा प्रदान गर्नेछ।

त्यसैगरी ड्राइभरहरूले कारको पर्फमेन्सलाई तिनीहरूको आवश्यकता अनुसार मिलाउनका लागि स्पोर्ट, इको, कम्फर्ट, व्यक्तिगत र डायनामिक ट्र्याक्सन कन्ट्रोल समावेश रहेको पाँच ड्राइभिङ मोडहरूबाट छनोट गर्न सक्ने उल्लेख गरिएको छ।

आईडी.यूएनवाईएक्सको लम्बाई ४६६३ मिमी, चौडाइ १८६० मिमी, र उचाई १६१० मिमी रहेको हुनाले यसले २७६६ मिमीको ह्वीलबेसको साथ एक विशाल र आरामदायक भित्री भाग प्रदान गर्दछ। यो नयाँ इलेक्ट्रिक एसयूभीले चीनमा अटोमेकरको तेस्रो संयुक्त उद्यमको रूपमा सन् २०१७ मा स्थापना भएको फक्सवागन (एन्हुइ) को लागि महत्वपूर्ण कदम भएको जनाइएको छ।

आईडी.यूएनवाईएक्सले उद्यमद्वारा उत्पादित पहिलो इलेक्ट्रिक (विद्युतीय) कारलाई प्रतिनिधित्व गर्दछ, र यसले आफ्नो स्टाइलिश डिजाइन, उन्नत प्रविधि र प्रभावशाली दायराका साथ सबैको ध्यान तान्ने निश्चित रहेको गीज्मोचाइनाले रिपोर्ट गरेको छ।