ग्यालेक्सी जेड फोल्ड ६ र जेड फ्लिप ६ नेपालमा अनावरण, प्रि–अर्डरको लागि उपलब्ध

काठमाडौं ।

सामसङ नेपालले पनि आज पत्रकार सम्मेलनमार्फत आधिकारिक रूपमा ग्यालेक्सी जेड फोल्ड६ र जेड फ्लिप६को प्रि–अर्डर सुरु भएको घोषणा गरेको छ।

कार्यक्रममा सामसङ नेपालका प्रबन्ध निर्देशक इन सु किम, सामसङ नेपालका निर्देशक प्रणय रत्न स्थापित र मिस नेपाल वर्ल्ड २०१८ शृङ्खला खतिवडाले नयाँ ग्यालेक्सी जेड फोल्ड६ र ग्यालेक्सी जेड फ्लिप६ सिरिजको अनावरण गरे।

“फोल्डेबलका लागि सामसङको निरन्तर आविष्कारले नयाँ ग्यालेक्सी जेड फोल्ड६ र ग्यालेक्सी जेड फ्लिप६ सँग ग्यालेक्सी एआईको अर्को अध्याय खोलेको छ। फोल्डेबल फोर्म फ्याक्टरलाई एआई–इन्फ्युज्ड कनेक्टेड ग्यालेक्सी इकोसिस्टमसँग मिलाएर, हाम्रा नयाँ स्मार्टफोनहरूले प्रयोगकर्ताहरूलाई एक आकर्षक अनुभव प्रदान गरेर नयाँ सम्भावनाहरू अन्लक गर्न सशक्त बनाउँछ,”सामसङ  नेपालका निर्देशक प्रणय रत्न स्थापितले भने।

ग्यालेक्सी जेड फोल्ड६ र फ्लिप६, ग्यालेक्सी जेड सिरिजका अहिलेसम्मकै सबैभन्दा पातलो र हल्का डिभाइसहरू हुन्, र सिधा एजहरूसँग पूर्णरूपमा सममित डिजाइनका साथ आउँछन्।

ग्यालेक्सी जेड फोल्ड ६

ग्यालेक्सी जेड फोल्ड ६ले नयाँ कभर स्क्रिन अनुपातको साथ अझै  प्राकृतिक बार–टाइप भ्यूइंग एक्सपेरिएन्स प्रदान गर्दछ। नयाँ ग्यालेक्सी जेड सिरिज  पहिलेभन्दा धेरै टिकाउ पनि छ।

डुअल रेल हिङ्ग संरचनालाई बलियो फोल्डिङ एजले थप बलियो बनाएको छ, र प्रमुख स्क्रिनमा परिष्कृत तहहरूले बल कायम राख्दै क्रिज सुधार गर्न मद्दत गरेको छ। ग्यालेक्सी जेड सिरिजमा परिष्कृत आर्मर एल्युमिनियम र कोर्निङ गोरिल्ला ग्लास भिक्टस २ पनि छ, जसले यसलाई अहिलेसम्मकै सबैभन्दा टिकाउ ग्यालेक्सी जेड सिरिज बनाएको छ।

ग्यालेक्सी जेड फोल्ड६ र फ्लिप६ स्न्यापड्रागन ८ जेन ३ मोबाइल प्लेटफर्मले सुसज्जित छन्, र अहिलेसम्मकै सबैभन्दा उन्नत स्न्यापड्रागन मोबाइल प्रोसेसर, सीपियु, जीपियु र एनपियु कार्यसम्पादनको संयोजन गर्दछ। दुवैको प्रोसेसर एआई प्रशोधनका लागि अप्टिमाइज गरिएको छ जसले सुधारिएको समग्र प्रदर्शनको साथमा इनहान्स गरिएको ग्राफिक्स प्रदान गर्दछ।

ग्यालेक्सी जेड फोल्ड६ ले ठुलो स्क्रिनलाई अधिकतम बनाउन र प्रयोगकर्ताको उत्पादकत्वलाई उल्लेखनीय रूपमा वृद्धि गर्न एआई–सञ्चालित सुविधाहरू र उपकरणहरूको दायरा प्रदान गर्दछ।

सामसङको गुगलसँगको साझेदारीद्वारा नयाँ ग्यालेक्सी जेड सिरिजमा नयाँ गुगल जेमिनी एप पूर्णरूपमा एकीकृत भएको छ, जसले प्रयोगकर्ताको फोनमा नै आफ्नै एआई–संचालित सहायक उपलब्ध गराउँछ। थप रूपमा, अनुवादक अब न्यु कन्भरसेसन मोडको साथ आउँछ जसले दुवै पक्षहरूलाई थप न्याचुराल अन्तरक्रियाहरूका लागि प्रमुख र कभर स्क्रिनहरूमा अनुवादहरू सहज रूपमा गर्न दिन्छ।

प्रोफेसनल–ग्रेड कन्टेन्ट सहज रूपमा सिर्जना गर्न तपाईंले फोटो असिस्ट पनि प्राप्त गर्नुहुन्छ र पोर्ट्रेट स्टुडियोबाट थ्रीडी कार्टुन वा वाटर कलर जस्ता विभिन्न पोर्ट्रेट शैलीहरूमा सिर्जना गर्ने थप रचनात्मक सम्भावनाहरू पाउन सक्नुहुनेछ। इन्स्ट्यान्ट स्लो–मो फिचरले तपाईंलाई स्मुद भ्यूइंग एक्सपिरिएन्स कायम राख्दै अतिरिक्त फ्रेमहरू उत्पन्न गरेर भिडियोलाई तुरुन्तै स्लो गर्ने क्षमता दिन्छ।

ग्यालेक्सी जेड फ्लिप६

ग्यालेक्सी जेड फ्लिप६ले अब नयाँ अनुकूलन र रचनात्मकता सुविधाहरूको दायरा प्रदान गर्दछ, जसले गर्दा तपाईँले हरेक क्षणको अधिकतम फाइदा लिन सक्नुहुन्छ। ३.४ इन्चको सुपर एमोलेड फ्लेक्सविन्डोको साथमा, तपाईँले डीभाइस नखोलेर नै एआई–असिस्तेड कार्यहरू प्रयोग गर्न सक्नुहुन्छ।

फ्लेक्सक्याम अब नयाँ अटो जुमको साथ आउँछ, सब्जेक्त पत्ता लगाई आवश्यक समायोजन गरी जुम इन र आउट गरेर तपाईँको शटको लागि उत्कृष्ट फ्रेमिङ रचना गर्दछ। नयाँ ५० एमपी वाइड र १२ एमपी अल्ट्रा–वाइड सेन्सरहरूले तस्बिरहरूमा स्पष्ट र क्रिस्प विवरणहरूको साथ अपग्रेड गरिएको क्यामेराको अनुभव प्रदान गर्दछ। नयाँ ५० एमपी सेन्सरले नोइज–फ्री तस्बिरहरूको लागि २ह अप्टिकल जुम प्रदान गर्दछ, र १०एक्स जुमको साथ उन्नत शूटिंग अनुभवको लागि एआई जुम प्रदान गर्दछ। ग्यालेक्सी जेड फ्लिप६ अब परिष्कृत ब्याट्री लाइफको साथ आउँछ र पहिलो पटक भेपर चेम्बर साथ जडित रहेको कम्पनीले जानकारी दिएको छ।

मूल्य र उपलब्धता

ग्यालेक्सी जेड फोल्ड६ र जेड फ्लिप६को प्रि–अर्डर अफरहरू साउन २ देखि १५ गतेसम्म मान्य रहने कम्पनीले उल्लेख गरेको छ।

कम्पनीले दिएको जानकारीअनुसार ग्यालेक्सी जेड फ्लिप६ (१२+२५६ जीबी) सिल्भर श्याडो, ब्लु कलरको मूल्य १ लाख ५४ हजार ९९९ रुपैयाँ छ भने ग्यालेक्सी जेड फोल्ड ६ (१२+२५६ जीबी) सिल्भर श्याडो, नेभीको मूल्य २ लाख ३४ हजार ९९९ तथा ग्यालेक्सी जेड फोल्ड६ (१२+५१२ जीबी) को मूल्य २ लाख ४९ हजार ९९९ तोकिएको छ।