Technology Khabar २ श्रावण २०८१, बुधबार
काठमाडौं ।
संयुक्त राज्य अमेरिकाको पेन्सिल्भेनियामा रहेको चार्जिङ स्टेशनमा टेस्लाको विद्युतीय गाडीमा आगजनी भएको छ। मेकानिक्सबर्ग, पेन्सिलभेनियाको शीट्ज सुपरचार्जिङ स्टेशनमा जुलाई ८ मा ईभीमा आगो लागेको एक रिपोर्टमा उल्लेख छ।
गाडीको मोडलबारे अहिलेसम्म कुनै पुष्टि हुन सकेको भएतापनि उक्त ईभी मोडल वाई भएको आशंका गरिएको छ।
पेन्सिलभेनिया सुपरचार्जिङ स्टेशनमा भएको आगलागी नियन्त्रण गर्नका लागि अप्पर एलेन पुलिस, मेकानिक्सबर्ग फायर कम्पनी, टीम २००, लिस्बर्न फायर कम्पनी र ह्याम्पडेन टाउनशिप फायर डिपार्टमेन्ट संलग्न भएका थिए।
फायर डिपार्टमेन्टले सडकको विपरित छेउमा रहेको फायर हाइड्रेन्टको प्रयोग गरेको र फेरी ज्वाला आगो निस्कन सक्ने डर भएकोले करिब ५ घण्टासम्म घटनास्थलमा बसेको जनाइएको छ।
टेस्ला कारमा आगो लागेको धेरै रिपोर्ट गरिएको भएपनि कम्पनीले आफ्ना गाडीहरू सुरक्षित रहेको दाबी गरेको छ।
टेस्लाले भर्खरै एक रिपोर्ट प्रकाशित गरेको छ जसमा यसको कारहरूले अमेरिकी औसत प्रति १ बिलियन माइल कभरको भन्दा ९ गुणा कम आगो लाग्ने गरेको दाबी गरिएको छ।
प्रकाशित: २ श्रावण २०८१, बुधबार
