काठमाडौं ।
गुगलले कम्तिमा चार ओटा नयाँ पिक्सेल ९ फोनहरू लन्च गर्ने तयारी गरिरहेको छ। यसैक्रममा, गुगलको आगामी चार ओटा पिक्सेल ९ फोनहरू मध्ये दुई नयाँ फ्ल्यागशिपहरूको नामको पुष्टि भएको छ।
उक्त दुई नयाँ फ्ल्यागशिपहरू मध्ये एउटाको नाम पिक्सेल ९ प्रो एक्सएल रहेको छ भने अर्को फोनको नाम पिक्सेल ९ प्रो फोल्ड हुने क्यानाडाको रेडियो डिभाइस इक्विपमेन्ट लिस्ट (आरईएल) ले जनाएको छ।
क्यानाडाको रेडियो डिभाइस इक्विपमेन्ट लिस्ट (आरईएल) उत्तर अमेरिकी देशमा प्रयोगको लागि प्रमाणित सबै रेडियो उपकरणहरूको विस्तृत प्रकाशन हो।
त्यसैगरी पिक्सेल ९ प्रो एक्सएललाई पिक्सेल ८ प्रो को उत्तराधिकारी हुने अपेक्षा गरिएको छ, जुन अवस्थित लाइनअपको सबैभन्दा ठूलो सदस्य हो। पछिल्लो पटक एक्सएल फोन सन् २०१९ मा आएको थियो र त्यस समयमा पिक्सेल ४ एक्सएल वरपर रहेको थियो।
यस पटक पनि यस्तै केहि हुने आशा गरिएको छ र ‘पिक्सेल ९ प्रो एक्सएल’ पिक्सेल ९ प्रो को सबैभन्दा ठूलो संस्करण हुनुका साथै लाइनअपमा थप नयाँ पनि हुने उल्लेख छ।
यसबाहेक, अर्को फोन ‘पिक्सेल ९ प्रो फोल्ड’ केवल पिक्सेल फोल्डको उत्तराधिकारी भएको र यसलाई परिवारको अन्यसँग पङ्क्तिबद्ध गर्नको लागि नाम परिवर्तन गरिएको जीएसएमएरिनाले रिपोर्ट गरेको छ।
प्रकाशित: ३१ असार २०८१, सोमबार
