Technology Khabar ३१ असार २०८१, सोमबार
काठमाडौं ।
चीनबाट बाहिरिएको एक पछिल्लो चर्चाले आईफोन १६ प्रो र आईफोन १६ प्रो म्याक्सले आफ्नो चार्जिङ दरहरुमा सुधार देखिने दाबी गरेको छ।
आईफोन १५ प्रो र आईफोन १५ प्रो म्याक्स केबल (तार) प्रयोग गरेर २० वाटसम्म र म्यागसेफ वायरलेस चार्जिङ प्रयोग गरेर १५ वाटसम्म जान सक्ने जनाइएको छ भने यस वर्षका मोडेलहरूले कथितरूपमा चीजहरूलाई अझ अगाडि लैजाने उल्लेख गरिएको छ।
आईफोन १६ प्रो र आईफोन १६ प्रो म्याक्सले ४० वाट वायर्ड चार्जिङ र २० वाट म्यागसेफ वायरलेस चार्जिङलाई समर्थन गर्ने देखिएको छ। चार्जिङको सन्दर्भमा ती दरहरू पिक रेट भएको र चार्जिङ प्रक्रियाको क्रमको धेरै लामो समयसम्म पनि उक्त दरहरू प्राप्त नहुने उल्लेख गरिएको छ।
यद्यपि, चार्जिङमा गरिने यस पिकहरुको वृद्धिले यी फोनहरूमा दुबै टेक्नोलोजीहरूको लागि वास्तविक चार्जिंग समयलाई कसरी असर गर्नेछ भन्ने जानकारी छैन् ।
यद्यपि, एप्पलको उक्त चार्जिङ रेटहरू चिनियाँ कम्पनीहरूको मुख्यधारा १२० वाट वायर्ड र ५० वाट वायरलेस पिकहरूभन्दा धेरैपछि रहेको छ।
लगभग एक वर्ष पहिलेको चर्चाले पनि यसअघि नै आईफोन १६ प्रो र आईफोन १६ प्रो म्याक्सले चार्जिङमा यी सटीक सुधारहरू प्राप्त गर्नेछन्, र तिनीहरूले स्ट्याक्ड ब्याट्री प्रविधि पनि प्रयोग गर्नेछन् जसले उच्च क्षमता र लामो लाइफस्पानको लागि अनुमति दिनेछ।
एप्पलले सधैँ जस्तै आईफोन १६ प्रो र आईफोन १६ प्रो म्याक्सलाई आईफोन १६ र आईफोन १६ प्लसको साथ सेप्टेम्बरमा अनावरण गर्नेछ।
प्रकाशित: ३१ असार २०८१, सोमबार
