काठमाडौं ।
शाओमी अटोले आफ्नो एसयू७ इलेक्ट्रिक एसयूभीको डेलिभरीले राम्रो गरिरहेको जनाइएको छ। जून महिनामा मात्रै १०,००० युनिटहरू डेलिभर गरिसकेको कम्पनीले जुलाई महिनामा पनि उक्त गतिलाई कायम राख्ने लक्ष्य राखेको छ।
कम्पनीको हालको यो उछाल अघिल्लो महिनाको तुलनामा एकदम राम्रो भएको बताइएको छ। कम्पनीले मे महिनामा ८,६३० युनिटहरू र अप्रिलमा ७,०५८ मात्र डेलिभर गर्न सफल भएको थियो।
यो उत्पादन र्याम्प–अप शाओमीले १०,००० युनिटहरूको मासिक डेलिभरी लक्ष्यको ग्यारेन्टी गर्न जुन महिनादेखि डबल सिफ्टमा उत्पादन सुरु गर्ने पहिलेको घोषणासँग मिलेको छ। कम्पनीको सन् २०२४ मा कुल १ लाख एसयू७ हरू डेलिभरी गर्दै त्यसलाई १ लाख २० हजार इकाइसम्ममा विस्तार गर्ने दीर्घकालीन लक्ष्य रहेको जनाइएको छ।
ग्राहकको प्रतीक्षा समय व्यवस्थापन गर्नको लागि मद्दत गर्ने हेतुले शाओमी अटोले २८ जून महिनामा “लक अर्डर एण्ड वेट फर युजर केयर” अभियान लन्च गरेको उल्लेख छ। यस कार्यक्रमले आफ्नो एसयू७ को लागि ३ महिना भन्दा बढी समयदेखि पर्खिरहेका प्रयोगकर्ताहरूलाई एक प्रकारको क्षतिपूर्तिको रूपमा उपहारहरू प्रदान गर्ने गीज्मोचाइनाको रिपोर्टमा उल्लेख गरिएको छ।
प्रकाशित: १९ असार २०८१, बुधबार
