‘आई ट्र्याकिङ’ फिचरको साथ आँखाले नै आफ्नो आईफोन/आईप्याडलाई नियन्त्रण गर्न सकिने

काठमाडौं ।

एप्पलले गत महिना आई (आँखा) ट्र्याकिङ सहितको नयाँ एक्सेसेबिलिटी फिचर्स घोषणा गरेको थियो।

अब, कम्पनीले जारी गरेको आईओएस १८ र आईप्याडओएस १८ मा आई (आँखा) ट्र्याकिङ फिचर (सुविधा) थपेको छ।

आईओएस १८ र आईप्याडओएस १८ मा नयाँ एक्सेसेबिलिटी फिचर

यस एक्सेसेबिलिटी अप्सनको साथ, प्रयोगकर्ताहरूले उनीहरूको कम्प्याटिबल आईफोनहरू र आईप्याडहरू आँखामार्फत नियन्त्रण गर्न सक्ने उल्लेख गरिएको छ। यो सुविधा अपाङ्गता भएका व्यक्तिहरूलाई मद्दत गर्न डिजाइन गरिएको हो भने यो अरू प्रयोगकर्ताहरूलाई तिनीहरूको डिभाइसहरूसँग अन्तर्क्रिया गर्न रमाइलो र सुविधाजनक तरिका पनि हुन सक्ने जनाइएको छ।

अगाडिको क्यामरा क्यालिब्रेट गर्न र फिचर एक्टिभेट (सुविधा सक्रिय) गर्न यसलाई केवल केहि सेकेन्ड मात्र लाग्दछ। यस्तै, ट्र्याकिङ कार्यक्षमता काम गर्नका लागि कुनै अतिरिक्त हार्डवेयर वा सहायक उपकरणहरू आवश्यक पर्दैन्।

यस फिचर (सुविधा)को साथ, प्रयोगकर्ताहरूले आईओएस र आईप्याडओएस एपहरू मार्फत नेभिगेट गर्न सक्ने र प्रत्येक तत्वसँग अन्तरक्रिया गर्न डुवल कन्ट्रोल प्रयोग गर्दछ भने भौतिक बटनहरूको कार्यहरू पनि नियन्त्रण गर्नसक्ने जनाइएको छ।

आईफोन १२ वा सोभन्दा पछिका डिभाइसहरु जुन आईओएस १८ मा चल्ने प्रयोगकर्ताहरूले सेटिङ्हरू ‘एक्सेसिबिलिटी’ आई ट्र्याकिङमा गएर आई (आँखा) ट्र्याकिङ सक्रिय गर्न सक्छन्। टगल अन गरेपछि, प्रयोगकर्ताहरूले स्क्रिनको वरिपरि घुम्ने डटलाई उनीहरूको आँखाले उनीहरूको डिस्प्लेको साथ स्क्रिनमा देखाइएको डटलाई पछ्याउनु पर्नेछ।

यसले प्रयोगकर्ताको आँखाको चालसँग क्यामरालाई क्यालिब्रेट गर्नेछ। यो सेटअप प्रक्रियाका लागि केहि सेकेन्ड मात्र लाग्नेछ र त्यसपछि प्रयोगकर्ताहरूले आफ्नो आँखाले स्क्रिनमा तत्वहरू चयन गर्न र अन्तरक्रिया गर्न सक्षम हुनेछन्।

एप्लिकेसन आइकन जस्ता तत्व चयन गर्नका लागि प्रयोगकर्ताहरूले आइकन हेर्नुपर्छ र २–३ सेकेन्डको लागि त्यो स्थिति होल्ड गर्नुपर्ने भनिएको छ।

यो फिचरले आँखालाई सही रूपमा ट्र्याक गर्नका लागि एप्पलको अन–डिभाइस मेसिन एलएलएम प्रयोग गर्दछ। यस फिचरले काम गर्नका लागि आवश्यक पर्ने सबै डाटा डिभाइसमा सुरक्षित रहने र गोपनियताका सम्बन्धमा कुनै चिन्ता नहुने कम्पनीले जनाएको छ।

आईओएस १८ मा रहेको अर्को एक्सेसेबिलिटी फिचर भनेको म्यूजिक ह्याप्टिक्स हो जसले श्रवण शक्ति कम भएका वा सुन्न नसक्ने मानिसहरूलाई आइफोनमा ट्याप्टिक इन्जिन प्रयोग गरेर संगीतको अनुभव गर्न अनुमति दिन्छ।

साथै भोकल सर्टकटहरूले प्रयोगकर्ताहरूलाई कस्टम साउण्ड बनाएर कार्यहरू गर्न सक्षम बनाउने गीज्मोचाइनाले रिपोर्ट गरेको छ।