काठमाडौं ।
अमेजनले फ्रान्समा १.३ अर्ब अमेरिकी डलर लगानी थप गर्ने भएको छ। अमेजनले सोमबार आफ्नो फ्रान्सेली अपरेसनमा १.३ बिलियन अमेरिकी डलर भन्दा बढी लगानी गर्ने र देशमा तीन हजार भन्दा बढी स्थायी रोजगारी सिर्जना गर्ने बताएको हो।
फ्रान्सेली राष्ट्रपतिले आइतबार अमेजन, जीएसके र एक्सेन्चर लगायत अन्य कम्पनीहरूले सोमबारदेखि सुरु हुने देशको वार्षिक ‘फ्रान्स चुज’ कार्यक्रमको भागको रूपमा अरबौंको लगानी घोषणा बताएका थिए।
अमेजनको वेब सर्भिसेज (एडब्ल्यूएस) को लगानी मार्फत पेरिस क्षेत्रमा क्लाउड इन्फ्रास्ट्रक्चरमा वृद्धि हुनेछ। जसबाट फ्रान्सको समृद्ध जेनरेटिभ एआई अवसर र औवेगर्न–रौन–आल्प्स क्षेत्रमा लोजिस्टिक्स इन्फ्रास्ट्रक्चर समर्थन गरिने कम्पनीले विज्ञप्तिमा बताएको रोयटर्सले उल्लेख गरेको छ।
जेनेरिटिभ एआईको बढ्दो लोकप्रियताले क्लाउड सेवाहरूको मागलाई बढाइरहेको छ, र फ्रान्स मिस्ट्रल र पूलसाइड जस्ता आशाजनक स्टार्टअपहरूको साथ एआईको हब बनेको छ। मेटा र गुगल जस्ता कम्पनीहरूले देशमा एआई अनुसन्धान केन्द्रहरू स्थापना गरेका छन्।
अमेजनले २०१० देखि आफ्नो फ्रान्सेली सञ्चालनमा २० बिलियन यूरो भन्दा बढी लगानी गरेको छ र यसको क्लाउड र अनलाइन खुद्रा व्यवसायहरूमा २२ हजार भन्दा बढी स्थायी कर्मचारीहरूलाई रोजगार प्रदान गरिरहेको छ।
अमेजन फ्रान्सका कन्ट्री म्यानेजर फ्रेडरिक डुभालले भने, ‘यी रोजगारीहरू हामीले २०२४ का लागि घोषणा गरेका २ हजार जागिरहरूका अतिरिक्त हुन्।’
लगानीको एक अंश डेलिभरीको गति बढाउन र कार्बन उत्सर्जन कम गर्न कम्पनीको लोजिस्टिक्स नेटवर्क विस्तार गर्न पनि प्रयोग गरिनेछ। यसको फ्रान्समा ३५ भन्दा बढी लोजिस्टिक्स सुविधाहरू छन्।
प्रकाशित: ३१ बैशाख २०८१, सोमबार
