सामसङ ग्यालेक्सी एस २४ सिरिजको प्रि–अर्डर शुरु

काठमाडौं ।

सामसङ नेपालले आज ग्यालेक्सी एस२४ अल्ट्रा, ग्यालेक्सी एस२४+ र ग्यलेसी एस२४ को प्रि अर्डर खुलेको घोषणा गरेको छ, जसले ग्यालेक्सी ए.आई को साथमा मोबाइलको नयाँ अनुभवहरु उपलब्ध गराउँदै छ।

कम्पनीकाअनुसार एआईले ग्यालेक्सी एस२४ सिरिजको हरेक अनुभवलाई अझै राम्रो र सहज बानाउँदैछ । इन्टेलिजेन्ट टेक्स्ट र कल ट्रांस्लेशनको साथ रुकावट बिनाको कुराकानी देखि ग्यालेक्सीको प्रोभिजुअल इन्जिनको साथ आफ्नो सिर्जनात्मक स्वतन्त्रतालाई अधिकतम बढाउनसक्ने सम्भावना र कुनै पनि प्रकारको जिज्ञाशाहरु सर्च गर्ने अथवा पत्ता लगाउने तरिका समेत परिवर्तन गर्दै नयाँ स्टान्डर्ड सेट गरेको दाबी छ।

“ग्यालेक्सी एस२४ले संसारसँगको हाम्रो सम्बन्धलाई परिवर्तन गर्छ र मोबाइलको आविष्कारको आउंदो दशकलाई प्रज्वलित गर्छ,“ सामसङ नेपालका निर्देशक प्रणय रत्न स्थापितले भने। “ग्यालेक्सी एआइ हाम्रो नवप्रवर्तन सम्पदा र मानिसहरूले आफ्नो फोन कसरी प्रयोग गर्छन् भन्ने गहिरो बुझाइबाट निर्माण गरिएको छ। हामी विश्वभरका हाम्रा प्रयोगकर्ताहरूले कसरी नयाँ सम्भावनाहरू खोल्न ग्यालेक्सी एआइमार्फत आफ्नो दैनिक जीवनलाई सशक्त बनाउँछन् भनेर हेर्न उत्साहित छौं।”

ग्यालेक्सी एस२४ प्लसमा ६.७ इन्च र ग्यालेक्सी एस२४ मा ६.२ इन्च डिस्प्ले छ। यस्तै ग्यालेक्सी एस२४ अल्ट्रामा ६.८ इन्च फ्ल्याटर डिस्प्ले छ, र यो हेर्नको लागि मात्र नभई उत्पादकताका लागि पनि अप्टिमाइज गरिएको कम्पनीको दाबी छ। ग्यालेक्सी एस२४ प्लसले अब ग्यालेक्सी एस२४ अल्ट्रामा पाइने समान स्तरलाई समर्थन गर्दछ।

ग्यालेक्सी एस२४ अल्ट्रा पहिलो ग्यालेक्सी फोन हो जसले टाइटेनियम फ्रेम ल्याएको छ, जसले यन्त्रको स्थायित्व र दीर्घायु बढाउँछ । ग्यालेक्सी एस२४ अल्ट्राको उल्लेखनीय रूपमा पातलो बडीले अझ सहज ग्रिपको साथ राम्रो अन–द–गो अनुभवलाई सक्षम बनाउँछ।

ग्यालेक्सी एस२४ प्लस र ग्यालेक्सी एस२४ मा, एक सुव्यवस्थित वन–मास डिजाइनले यन्त्रको पछाडिको कभर र साइड फ्रेम बीचको सिमलेस जडानको साथ थप सौन्दर्य मानकलाई सन्तुष्ट पार्ने बताईएको छ।

मूल्य र उपलब्धता

ग्यालेक्सी एस२४ शृङ्खला प्रि–बुक गर्नको लागि आधिकारिक पूर्व अर्डर वेबसाइटमा अथवा आफ्नो नजिकैको सामसङ फोन स्टोरहरूमा जानुपर्नेछ।

प्रि–अर्डर अफरहरू माघ २३ सम्म वा स्टक रहँदासम्म मान्य रहने कम्पनीले जनाएको छ।

ग्यालेक्सी एस २४ (१२+५१२ जीबी) टाइटेनियम ब्लाक, टाइटेनियम ग्रे, टाइटेनियम भायोलेटको मूल्य १९९,९९९ रुपैयाँ तोकिएको छ भने एस२४ अल्ट्रा (१२+२५६ जीबी) को मूल्य १८४,९९९ रुपैयाँ छ।

त्यस्तै ग्यालेक्सी एस२४ प्लस (१२+२५६ जीबी) कोबाल्ट भायोलेट, आम्बर एल्लोको मूल्य १४२,९९९ रुपैयाँ तथा ग्यालेक्सी एस२४ बेस (८+२५६ जीबी) कोबाल्ट भायोलेट, आम्बर एल्लोको मूल्य ११९,९९९ रुपैयाँ रहेको छ।

प्रि-बुक गर्नेहरुलाई कम्पनीले विभिन्न उपहारहरु समेत प्रदान गर्ने जनाएको छ।