आफ्नो च्यानल गलत तरिकाले बर्खास्त गरेको भन्दै गुगल विरुद्ध युट्युबरद्वारा स्पेनमा मुद्दा दायर

काठमाडौं ।

एक स्पेनिश युट्युबरले सामग्री सिर्जनाकर्ताहरूको श्रम अधिकारको उदाहरण सेट गर्न सक्ने मामलामा अल्फाबेट इंकको एक एकाइ गुगल स्पेनलाई गलत तरिकाले बर्खास्त गरेकोमा मुद्दा हाल्ने भएका छन्।

स्पेनिस युनियन यूजीटीले बताएअनुसार यो मुद्दाले राजनीतिक व्यंग्य सामग्रीका निर्माता जोटा, जसको वास्तविक नाम खुलासा गरिएको छैन, र अल्फाबेटको युट्युब बीचको रोजगारी सम्बन्ध देखाउन खोजेको छ। उनले नियमित रूपमा आफ्ना सेवाहरू उपलब्ध गराए र विज्ञापन राजस्वबाट प्राप्त पारिश्रमिक प्राप्त गरेको यूजीटीले भनेको छ।

रोयटर्सको रिपोर्टअनुसार गुगल स्पेनले अगस्टमा जोटाको युट्युब च्यानल “Último Bastión” (लास्ट स्ट्रङ्गहोल्ड(Last Stronghold) लाई विज्ञापन राजस्व कमाउनबाट रोकेको थियो। उनी भन्छन् कि कम्पनीले उसको युट्युब भुक्तानी खाताबाट पहिलेनै उपलब्ध भएको रकम पनि फिर्ता लिएको छ।

उनका वकिल बर्नार्डो गार्सियाले भने, “हामी यसलाई रोजगारी सम्बन्ध विच्छेदको रूपमा लिन्छौं।” उनले उनीहरूले जोटा र यूट्यूबको श्रम सम्बन्ध र उनको प्रभावकारी बर्खास्तलाई “गलत” भनेर वर्गीकृत गर्न अदालतलाई आग्रह गरेका थिए।

जोटाको च्यानलले वामपन्थी राजनीतिक व्यंग्य भिडियोहरू समावेश गरेको छ जसमा संसद र टाउन हलहरू जस्ता आधिकारिक च्यानलहरूबाट फिडहरू प्रयोग गरिन्छ। उनले आफ्नो विचारको समर्थनमा सबटाइटल र विशेष प्रभावहरू थपेका छन्।

गार्सिया र संघले आफ्नो च्यानलमा विज्ञापन राजस्व कटौती गर्नुको कारणमा टिप्पणी गरेको छैन्।

उता गुगलले सामग्री सिर्जनाकर्ताहरू अर्थात कन्टेन्ट क्रिएटरहरु कर्मचारीहरू नभएको र यो विशेष अवस्थामा जोटाको च्यानलले युट्युब मनिटाइजेसन (मुद्रीकरण) नीतिहरूको पालना नगरेको बताएको छ।

रिपोर्टअनुसार म्याड्रिडको अदालतमा अर्को वर्ष जुन २६ मा यस मुद्दाको विषयमा सुनुवाइ हुने छ।