एप्पलले बग फिक्सेस समाधान गर्नका लागि रोक्यो अपरेटिङ्ग सफ्टवेयरको विकास

काठमाडौं ।

एप्पलले केही महिना अघि विश्वभर आफ्नो सम्बन्धित डिभाइसहरूको लागि आफ्नो नवीनतम जेनरेशन आईओएस १७, म्याकओएस १४ र वाचओएस १० जारी गर्न थालेको थियो। त्यसैगरी कम्पनीले हालै मात्र धेरै समस्याहरूलाई सम्बोधन गर्नका लागि नवीनतम आईओएस १७.१.१ अपडेटको घोषणा गरेको छ।

प्रयोगकर्ताहरूले सफ्टवेयरको नवीनतम संस्करणहरूबाट आफ्ना डिभाइसहरू अद्यावधिक गर्दैगर्दा कुपर्टिनोमा टेक जायन्टले यसअघि नै विभिन्न डिभाइसहरूको लागि अपरेटिङ सिस्टमहरूको अर्को पुनरावृत्तिमा पनि काम गरिरहेको ब्लूमबर्गका मार्क गुरम्यानले रिपोर्ट गरेका छन्।

आईओएस १८ र म्याकओएस १५ को विकासमा अस्थाई रोक

एप्पलले आफ्नो डिभाइसहरूमा हालको जेनरेशन सफ्टवेयर संस्करणहरूमा धेरै बगहरूको सामना गरेको छ। तसर्थ, कम्पनीले आईओएस १८ र म्याकओएस १५ को डेभलप्मेन्ट (विकास) एक हप्ताको लागि रोकेको उल्लेख छ। एप्पलको सफ्टवेयर इन्जिनियरिङका वरिष्ठ उपाध्यक्ष क्रेग फेडेरिघीले नयाँ अपरेटिङ सिस्टममा काम गर्ने टोलीहरूको विकास प्रक्रिया रोक्ने निर्णय साझा गरेका हुन्। साथै स्रोतहरूले गुर्मनलाई थप रूपमा फेडेरिघी अन्तर्गत इन्जिनियरिङ टोलीले आन्तरिक परीक्षणको क्रममा बेवास्ता गरिएका धेरै बगहरू फेला पारेको बताएको रिपोर्टमा उल्लेख गरिएको छ।

एप्पलले कथित रूपमा गत महिना आईओएस १८ को एम१ संस्करणहरू, आईप्याडओएस १८ र म्याकओएस १८ पूरा गरेको थियो।

रिपोर्टमा भनिएअनुसार यस ढिलाइले आईओएस १८ र म्याकओएस १५ को रिलीज तालिकालाई असर नगर्ने उल्लेख गरिएको छ।