काठमाडौं ।
हुन्डाई मोटर ग्रुप (एचएमजी) र एलजी इनर्जी सोल्यूशन (एलजीईएस) ले उच्च लागतको कारणले जर्जियामा रहेको अमेरिकी विद्युतीय सवारी (ईभी) ब्याट्री उत्पादन प्लान्टमा आफ्नो संयुक्त लगानी बढाएका छन्। हुन्डाई मोटर ग्रुप र एलजी इनर्जी सोल्यूशनले ईभी ब्याट्री उत्पादन प्लान्टमा आफ्नो संयुक्त लगानी बढाइरहेको राज्य सरकारको आधिकारी स्टेटमेन्टलाई उद्धृत गर्दै स्थानीय मिडियाहरुले रिपोर्ट गरेको जस्टअटोले उल्लेख गरेको छ।
दुई दक्षिण कोरियाली कम्पनीहरूले अब सवाना नजिकै अवस्थित प्लान्टको निर्माण पूरा गर्न संयुक्त रुपमा ७.६ बिलियन अमेरिकी डलर लगानी गर्ने अपेक्षा गरेका छन्। यो गत वर्ष घोषणा गरिएको मूल ५.५ बिलियन अमेरिकी डलर लगानी भन्दा ४० प्रतिशत बढी हो। यसले मुख्य रूपमा उच्च निर्माण लागत अनुमानहरू प्रतिबिम्बित गर्दछ।
उत्तरी अमेरिकामा हुन्डाई मोटर र किया कर्पोरेसनबाट अपेक्षित माग पूरा गर्न मद्दतका लागि ३० गिगावाट प्रति घण्टा (जीडब्ल्यूएच) प्लान्ट निर्माण गरिनेछ।
हुन्डाई मोटर र किया कर्पोरेसन मिलेर बनेको एचएमजीले गत अक्टोबरमा जर्जियामा हुन्डाई, जेनेसिस र किया ब्रान्डहरू अन्तर्गत वार्षिक तीन लाख सवारी साधनको उत्पादन क्षमताको समर्पित ईभी प्लान्ट निर्माण गर्न थालेको छ। ईभीहरू पनि अटोमेकरहरूको अन्य प्लान्टहरूमा प्रस्तुत गरिँदैछ। अमेरिकाको अलाबामामा हुन्डाईको एसेम्बली प्लान्टमा र जर्जियाको कियाको प्लान्ट रहेको छ।
एचएमजी र एलजीईएसले नयाँ ब्याट्री प्लान्ट २०२४ को मध्यमा सञ्चालनमा ल्याउने योजना बनाएको छ। यो पहिलाको तालिका भन्दा ६ महिना अगाडि सारिएको हो। साथै अमेरिकी सरकारको मुद्रास्फीति न्यूनीकरण अधिनियम (आईआरएको) जवाफमा एचएमजीले जर्जियामा आफ्नो नयाँ ईभी प्लान्ट २०२५ देखि २०२४ सम्ममा पूरा गर्ने मिति अघि सारेको छ। यसले महत्वपूर्ण स्थानीय सामग्री भएका ईभीका खरिदकर्ताहरूलाई कर क्रेडिटहरू प्रदान गर्दछ।
जर्जिया सरकारले एलजीईएस र ज्एचएमजीले आगामी आठ वर्षमा राज्यमा करिब ८ हजार ५०० नयाँ रोजगारी सिर्जना गर्ने अपेक्षा गरेको छ।
प्रकाशित: १८ भाद्र २०८०, सोमबार
