काठमाडौं ।
भारत सरकारले भारतीय भाषाहरूमा निःशुल्क अनलाइन एआई तालिम दिने घोषणा गरेको छ। विश्व युवा कौशल दिवसमा, भारतका केन्द्रीय मन्त्री धर्मेन्द्र प्रधानले शनिबार एआई २.० फर इंडिया कार्यक्रमको शुभारम्भ गरेका हुन्। यो पूर्णरूपमा नि:शुल्क अनलाइन (एआई प्रशिक्षण कार्यक्रम) पाठ्यक्रम हो।
यस संयुक्त अनलाइन कार्यक्रमको साथ, भारतीय युवाहरूलाई अत्याधुनिक सीपहरूले सुसज्जित गरिने बताईएको छ। पीटीआई समाचारका अनुसार यो कार्यक्रमलाई व्यावसायिक शिक्षा तथा प्रशिक्षणका लागि राष्ट्रिय परिषद र इन्डियन इन्स्टिच्युट अफ टेक्नोलोजी (आईआईटी) मद्रासले मान्यता दिएको छ। केन्द्रीय मन्त्री प्रधानले प्रविधिलाई भाषाको दास बन्न नहुने बताउँदै भारतीय भाषामा प्राविधिक पाठ्यक्रम बनाउन आग्रह गरे।
समाचारका अनुसार, आर्टिफिसियल इन्टेलिजेन्स (एआई) एक धेरै व्यापक शब्द हो जुन मानव बुद्धिको प्रतिक्रिया र सोचका केही पक्षहरूलाई व्याख्या गर्न प्रयोग गरिन्छ जुन मेसिनहरूमा स्थानीय र सामान्य ज्ञानको रूपमा देखिन्छ। भारत सरकार (एआई ट्रेनिङ प्रोग्राम) को यो निर्णय पछि देशभरका युवाहरूले ठूलो संख्यामा सीप विकास तालिम लिन सक्ने बताईएको छ।
प्रकाशित: १ श्रावण २०८०, सोमबार
