काठमाडौं ।
अनरले अनर एक्स ५० जुलाई ५ मा अनावरण गरिने बताएको छ।
आधिकारिक रूपमा घोषणा गर्दै अनरले उक्त जानकारी दिएको हो।
घोषणासँगै, कम्पनीले स्मार्टफोनको पछाडिको डिजाइन देखाउने पोस्टर जारी गरेको छ। मे मा चीनको टीना प्राधिकरणद्वारा अनर अल-एएन०० मोडेलको अघिल्लो अप्रुभललाई ध्यानमा राख्दा, अनर एक्स ५० उही डिभाइस हुन सक्ने संभावना रहेको छ।
पोस्टरले अनर एक्स ५० को पछाडिको डिजाइन मार्फत गत वर्षको अनर एक्स ४० को उत्तराधिकारीको रूपमा आउने बताइएको छ। पूर्ववर्ती मोडेल जस्तै, एक्स ५० मा एक गोलो क्यामरा आइल्याण्डसहित दुई क्यामरा र एक एलईडी फ्ल्यास रहेको उल्लेख छ।
अनरले अनर एक्स ५० को क्यामरा टापुको केन्द्रमा म्याट्रीक्स एआई भिजन क्यामरा छापेको छ। क्यामरा मोड्युल रिमले डिभाइस १/१.६७ सेन्सर साइज र एफ/१.७५ एपर्चरको साथ १०८ मेगापिक्सेलको प्राथमिक क्यामराले सुसज्जित हुने बताइएको छ।
टीनामा बाहेक, एक्स ५० लाई ३५ वाट चार्जरको साथ थ्री सी प्रमाणीकरणमा पनि देखाइएको छ।
टीना सूचीअनुसार, अनर एक्स ५० ले ६.७८ इन्च फ्ल्याट एमोलेड डिस्प्ले फिचर गर्नेछ जसले २६५२*१२०० पिक्सेलको फुल एचडी प्लस रिजोलुसन र इन- स्क्रिन फिंगरप्रिन्ट सेन्सर प्रदान गर्ने बताइएको छ।
यो स्न्यापड्रयागन ६ जेन १ चिपसेट, १६ जीबीसम्मको र्याम र ५१२ जीबीसम्मको स्टोरेजका साथ आउने उल्लेख छ। यसमा ५,७०० एमएएच ब्याट्री, ८ मेगापिक्सेल फ्रन्ट क्यामरा, र पछाडि १०८ मेगापिक्सेल प्लस २ मेगापिक्सेल डुअल क्यामरा सेटअप हुनेछ। यो म्याजीक यूआईसहित एन्ड्रोइड १३ मा चल्ने बताइएको छ।
प्रकाशित: ११ असार २०८०, सोमबार
