काठमाडौं ।
जापान सरकारले टोयोटालाई इलेक्ट्रिक सवारी (ईभी) मा प्रयोग हुने लिथियम आयन ब्याट्रीको घरेलु उत्पादनमा लगानी गर्ने अभियानमा सहयोग गर्ने भएको छ। यसका लागि जापान सरकारले अटोमेकरलाई ८५४ मिलियन अमेरिकी डलर सहयोग उपलब्ध गराउने निक्की न्यूजपेपरले उल्लेख गरेको छ।
टोयोटाले यस हप्ता नयाँ टेक्नोलोजी र फ्याक्ट्रीहरूको पुनः डिजाइनको लागि एक व्यापक योजना प्रस्तुत गरेको छ। ब्याट्री इलेक्ट्रिकहरूको लागि द्रुत–बढ्दो बजारको ठूलो हिस्सामा आफ्नो उपस्थित मजबुत गर्ने कम्पनीको इच्छालाई यसले स्पष्ट संकेत गरेको छ। ब्याट्री सवारीको क्षेत्रमा टोयोटालाई प्रतिद्वन्द्वी टेस्लाले धेरै पछाडि छोडिसकेको छ।
जापान र अन्य अमेरिकी सहयोगीहरू तीब्र रुपमा चीनबाट टाढा आपूर्ति श्रृंखलाहरू सुरक्षित गर्ने योजनामा रहेकाले सरकारी सहयोग पनि प्राप्त हुनेछ। चीन ईभी ब्याट्रीहरूको प्रमुख खेलाडीको रुपमा रहेको छ।
जापानको व्यापार मन्त्रालयले कार ब्याट्री सहित स्टोरेज ब्याट्रीहरूलाई आर्थिक सुरक्षाको लागि महत्वपूर्ण मानेको छ र तिनीहरूको आपूर्ति र विकासलाई समर्थन गर्न आफ्नो दोस्रो पूरक बजेटमा ३३० बिलियन येन विनियोजन गरेको छ, निक्कीले लेखेको छ।
सरकारले पुँजीगत खर्चको एक तिहाइ र प्राविधिक विकासमा आधा खर्च गर्ने लक्ष्य राखेको छ। टोयोटाको मामलामा अनुदान दिइने परियोजनाको कुल रकम ३३० अर्ब येन पुग्ने न्यूजपेपरले जनाएको छ।
प्रकाशित: १ असार २०८०, शुक्रबार
