काठमाडौं ।
टाटा मोटरको टियागो इलेक्ट्रिकले १० हजार डेलिभरी पार गरेको छ। कम्पनीले ८ लाख ४९ हजार भारुको सुरुवाती मूल्यमा गत अक्टोबरमा टियागो इलेक्ट्रिक सार्वजनिक गरेको छ। यो भारतको सबैभन्दा किफायती इलेक्ट्रिक गाडीको रुपमा रहेको दहिन्दुबिजनेसलाइनले उल्लेख गरेको छ। पछि फेब्रुअरीमा कारको मूल्य ८ लाख ६९ हजार भारुमा बढाएको थियो।
‘टयागो ईभीले आफ्नो सुरुवातदेखि नै कोशेढुङ्गाहरू सिर्जना गर्दै आएको छ,’ टाटा प्यासेन्जर इलेक्ट्रिक मोबिलिटी लिमिटेडका मार्केटिङ, सेल्स एण्ड सर्भिस स्ट्राटेजी हेड विवेक श्रीवात्साले भने, ‘भारतमा सबैभन्दा छिटो बुक गरिएको इभी बन्नेदेखि भारतमा सबैभन्दा छिटो १० हजार डेलिभरी मार्क हासिल गर्ने ईभी बन्ने सम्म यो इलेक्ट्रिक ह्याचले कुनै कसर बाँकी राखेको छैन।’
टियागो ईभी इलेक्ट्रिक अनुभवलाई सलुभ र सस्तो बनाउने उद्देश्यका साथ प्रस्तुत गरिएको थियो। यो ईभीको द्रुत रूपमा अपनाउन प्रोत्साहन गर्ने कारको परिचय दिएर गतिशीलताको भविष्यतर्फ चलिरहेको विकासलाई द्रुत रूपमा अघि बढाउने कम्पनीको महत्वाकांक्षाको परिणाम हो।
कम्पनीले बुकिङ खुल्ला गरेको २४ घण्टामा १० हजार बुकिङ प्राप्त गरेको र डिसेम्बर २०२२ मा टियागोको २० हजार बुकिङ पुगेको कम्पनीले जानकारी दिएको छ।
प्रकाशित: २६ बैशाख २०८०, मंगलवार
