आठ महिनामा नेपालमा २ अर्बको राउटर आयात

काठमाडौं ।

चालु आर्थिक वर्ष २०७९/८०को पहिलो ८ महिनामा नेपालमा २ अर्ब रुपैयाँभन्दा माथिको राउट आयात भएको छ। भन्सार विभागको तथ्यांक अनुसार फागुन मसान्तसम्म २ अर्ब ७ करोड ८३ लाख ७२ हजार रुपैयाँ बराबरको ५ लाख ३६ हजार ७५ यूनिट राउटर आयात भएको हो।

राउटरको आयातबाट सरकारले ३८ करोड ७६ लाख ३३ हजार रुपैयाँ राजश्व प्राप्त गरेको छ।

माघमा १ अर्ब ७७ करोड १५ लाख ४२ हजार रुपैयाँ बराबरको ४ लाख ६९ हजार ३४ यूनिट राउट आयात भएको थियो।

फागुन महिनामा मात्र नेपालमा ३० करोड ६७ लाख ९२ हजार रुपैयाँ बराबरको ६७ हजार ४१ यूनिट राउटर आयात भएको छ।

नेपालमा १७ मुलुकबाट राउटर आउने गरेको भन्सार विभागको तथ्यांकमा देखिन्छ।

चीनबाट २ अर्ब २ करोड ९१ लाख ४९ हजार रुपैयाँ बराबरको ५ लाख ३० हजार ५६४ यूनिट राउट नेपाल भित्रिएको छ।

हंगकंगबाट ६३ लाख ६० हजार रुपैयाँ बराबरको ३ हजार १९४ यूनिट राउटर नेपाल ल्याइएको छ।

भारतबाट ६४३, जर्मनीबाट ७, इन्डोनेसियाबाट १, लाटभियाबाट ३३५, लिथूनियाबाट १५, मलेसियाबाट २५, म्याकसिकोबाट २, कतारबाट ११, साउदी अरबबाट २, सिंगापुरबाट १, ताइवानबाट १ हजार २३८, यूएईबाट १७, बेलायतबाट ३ र अमेरिकाबाट १६ यूनिट राउटर आयात भएको देखिन्छ।