काठमाडौं ।
मेटाले उल्लेखनिय कटौती गरेतापनि सामाजिक सञ्जाल अझै विस्तार हुने क्रममा रहेको छ
फेसबुक शुरु भएको करिब २० वर्ष भइसकेको र यो अझै बढ्दो क्रममा छ। सामाजिक सञ्जालको अहिले २ अर्ब दैनिक सक्रिय प्रयोगकर्ताहरू रहेका छन् भनी मेटाले आफ्नो चौथो–क्वाटर आम्दानीको रिपोर्टसँगै उक्त जानकारी दिएको हो। तेस्रो क्वाटरमा १ करोड ६० लाख प्रयोगकर्ता रहेको फेसबुकको दैनिक प्रयोगकर्ताको संख्या बढेर पहिलो पटक २ अर्ब पुगेको प्रतिवेदनमा उल्लेख गएिको छ।
दैनिक प्रयोगकर्ताहरूको संख्या २ बिलियन पुग्ने फेसबुक मात्रै मेटा–स्वामित्वको प्लेटफर्म भने नभएको उल्लेख गरिएको छ। यसअघि मेटा–स्वामित्वको अर्को प्लेटफम व्हाट्सएपले पनि हालसालै २ बिलियन दैनिक सक्रिय प्रयोगकर्ताहरूको संख्या पार गरेको थियो। हालका महिनाहरूमा मेटाले आफ्नो व्यवसायमा उल्लेखनीय कटौती गरेको भए पनि उक्त वृद्धीले कम्पनीको विज्ञापन राजस्वको सबैभन्दा ठूलो स्रोत अझै बढिरहेको देखाउँछ। सीईओ मार्क जुकरबर्गले कम्पनीको हालैको पुनर्संरचनालाई संकेत गर्दै ११ हजार भन्दा बढी कामदारहरु जागिरबाट हटाइएको छ। त्यसैगरी सन् २०२३ को लागि हाम्रो व्यवस्थापन विषय ‘दक्षताको वर्ष’ हो भनी जुकरबर्गले एक विज्ञप्तिमा बताएको इनग्याजेडमा उल्लेख छ।
यद्यपी मेटाको राजश्व गत वर्षको तुलनामा कमजोर भएको उल्लेख गरिएको छ। सन् २०२२ को अन्तिम त्रैमासिकमा कम्पनीको ४३२.२ बिलियन डलर राजस्व गत वर्षको तुलनामा ४ प्रतिशतले कम भएपनि अपेक्षा गरेभन्दा केही राम्रो रहेको बताइएको छ।
मेटाले दक्षतालाई प्राथमिकतामा राख्दै कटौतीलाई जारी नै राख्ने जुकरबर्गले विश्लेषकहरूसँगको कलको क्रममा बताएको उल्लेख गरिएको छ। “हामीले प्रदर्शन नगर्ने वा अब महत्त्वपूर्ण नभएका परियोजनाहरू थप सक्रिय भएर कटौती गर्ने” भनी जुकरबर्गले बताएको उल्लेख गरिएको छ। त्यसैगरी आगामी वर्ष मेटाले जेनेरेटिभ एआईलाई प्राथमिकतामा राख्ने सीईओले बताएको उल्लेख गरिएको छ।
थुप्रै भिन्न एप्पलीकेसन सहित जेनेरेटिभ एआई एकदमै रोमाञ्चक नयाँ क्षेत्र रहेको जुकरबर्गले बताएका छन्। त्यसैगरी मेटाको लागि आफ्नै अनुसन्धानको निर्माण गरी जेनेरेटिभ एआई क्षेत्रमा नेतृत्व गर्ने आफ्नो लक्ष्यहरू मध्ये एक रहेको जुकरबर्गले बताएका छन्।
मेटाले मेटाभर्स लगानीहरूमा भने ठूलो मात्रामा पैसा गुमाउन जारी राखेको उल्लेख गरिएको छ। मेटाको भीआर, एआर र मेटाभर्स परियोजनाहरूको निरीक्षण गर्ने डिभिजन-रियलिटी ल्याब्सले २०२२ को चौथो क्वाटरमा ४.३ बिलियन डलर गुमाएको र वर्ष भरमा लगभग १४ बिलियन डलर गुमाएको मेटाले रिपोर्ट गरेको भनी उल्लेख गरिएको छ। साथै कम्पनीले आगामी वर्ष रियलिटी ल्याबहरूमा अझ बढी पैसा गुमाउने अपेक्षा गरेको भनी पुनः पुष्टि गरेको उल्लेख गरिएको छ।“हामी अझै पनि २०२३ मा हाम्रो पूर्ण वर्षको रियलिटी ल्याब घाटाहरू बढ्ने आशा गर्दछौं र हामी यस क्षेत्रमा अर्थपूर्ण रूपमा लगानी गर्न जारी राख्नेछौँ “ मेटाका सीएफओ सुसान लीले भने।
रियलिटी ल्याब्सको घाटाले गत वर्षको मेटाको राजस्व मन्दीमा योगदान पुर्याएको र विगतका वर्षहरूको तुलनामा कम्पनी एकदम द्रुत चरणको परिवर्तनको बीचमा रहेको विश्वास जुकरबर्गले गरेको भनी उल्लेख गरिएको छ। “हामी सबै कुरालाई हाइपर ग्रोथ जस्तै व्यवहार गर्न सक्दैनौं” जुकरबर्गले बताए। “त्यहाँ केही क्षेत्रहरू हुनेछन् जुन धेरै छिटो बढ्दै गइरहेको वा त्यो धेरै, प्रकारको, भविष्यको लगानी हो जुन हामी बनाउन चाहन्छौं।”
प्रकाशित: १९ माघ २०७९, बिहीबार
