काठमाडौं ।
टेक्नोले स्मार्टफोन क्यामरा प्रविधिलाई अगाडि बढाउन र प्रिमियम बजारमा प्रवेश गर्न लेन्स निर्माताहरूसँग साझेदारी गर्न खोजिरहेको छ। कम्पनीसँग नवीन स्मार्टफोन क्यामेरा उत्पादन गर्ने र उद्योग व्यवसायीहरूसँग सहकार्य गर्ने बलियो ट्र्याक रेकर्ड छ।
टेक्नो छोटो समयमा विश्वको उत्कृष्ट शीर्ष १० स्मार्टफोन बन्न सफल भएको छ। यस्तोमा स्मार्टफोनको प्रिमियम बजारमा प्रवेश गर्ने र स्मार्टफोन क्यामरा प्रविधिमा आफूलाई शीर्ष कम्पनीको रुपमा स्थापना गर्ने महत्वाकांक्षी योजनामा कम्पनी रहेको गिज्मोचाइनाले उल्लेख गरेको छ।
कम्पनीसँग उच्च–गुणस्तरको स्मार्टफोन क्यामेराहरू उत्पादन गर्ने ट्र्याक रेकर्ड छ। कम्पनीले हालैको फ्यान्टम एक्स२ सिरिज प्रदर्शन गरेको छ। जुन बजारमा उपलब्ध पोट्रेट क्यामेराहरू मध्ये उत्कृष्ट मानिएको छ।
कम्पनीले भविष्यका उत्पादनहरू विकास गर्न स्थापित लेन्स निर्माताहरूसँग वार्ता गरिरहेको घोषणा गरेर आफ्नो क्यामराको महत्वाकांक्षालाई अर्को स्तरमा लैजाँदैछ। कम्पनीले कुनै खास नाम उल्लेख नगरे पनि स्मार्टफोन क्यामेरा टेक्नोलोजीको सीमालाई धकेल्न टेक्नोले फोटोग्राफी उद्योगका केही ठूला नामहरूसँग साझेदारी गर्न खोजिरहेको स्पष्ट छ।
टेक्नोको उद्योग व्यवसायीहरूसँग सहकार्य गर्ने प्रतिबद्धता र नयाँ स्मार्टफोन क्यामेराहरू उत्पादन गर्ने ट्र्याक रेकर्डलाई ध्यानमा राख्दै, कम्पनीले अन्ततः कुन लेन्स निर्मातासँग काम गर्ने निर्णय गर्छ भनेर हेर्न रोचक हुनेछ।
कम्पनीले ह्यासलब्लेड, लीका र जीस लगायत स्मार्टफोन निर्माताहरूसँग पहिले नै साझेदारी गरिसकेका छन्। अब क्यामराका लागि टेक्नोले कुन ठूला नामलाई छनौट गर्नेछ भनेर हेर्न बाँकी छ।
प्रकाशित: १४ पुष २०७९, बिहीबार
