काठमाडौं ।
भियतनामको भिनफास्टले यस वर्षको अन्त्यसम्ममा संयुक्त राज्य अमेरिकामा आफ्नो पहिलो ब्याट्री-संचालित एसयूभीहरू डेलिभरी गर्न उत्पादन बढाउँदै भियतनाममा आफ्नो विद्युतीय सवारी साधनका लागि थप ८ हजार कर्मचारीहरू भर्ना गर्न खोजिरहेको कम्पनीले बताएको छ।
भिनफास्ट, भियतनामको सबैभन्दा ठूलो समूह भिनग्रुपको एक एकाइ हो र यसले हाल कुल ६ हजार मानिसहरूलाई रोजगार दिन्छ।
“नयाँ भर्तीहरू भिनफास्टको उत्पादन विस्तारको लागि हो,” कम्पनीले भियतनामको हाइफोङमा रहेको आफ्नो प्लान्टको लागि भर्ती गर्ने घोषणा गर्दै आफ्नो प्रमाणित फेसबुक पोस्टमा भन्यो, “एसेम्बलीका कामदार, प्राविधिक र इन्जिनियरलगायत नयाँ कर्मचारीले अगस्ट र सेप्टेम्बरदेखि काम सुरु गर्नेछन्।”
हाइफोङ प्लान्टको प्रतिवर्ष २५०,००० कार उत्पादन गर्ने क्षमता रहेको छ र भिनफास्टले सन् २०२६ सम्ममा त्यो क्षमतालाई ६००,००० सम्म पुर्याउने अपेक्षा गरेको छ।
मार्चमा, भिनफास्टले उत्तरी क्यारोलिनामा एक वर्षमा १ लाख ५० हजार इभीहरुको प्रारम्भिक अनुमानित क्षमताको साथ प्लान्ट निर्माण गर्ने घोषणा गर्यो। प्लान्टले ७ हजार ५ सय रोजगारी सिर्जना गर्ने कम्पनीले जनाएको छ।
प्रकाशित: २२ श्रावण २०७९, आईतवार
