अमेरिकामा इभी उत्पादन गर्न भिनफास्टलाई १.२ अर्ब डलरको सरकारी प्रोत्साहन प्याकेज

काठमाडौं ।

अमेरिकाको क्यालिफोर्नियामा छ ओटा स्टोरहरू खोल्नु अघि, ईलेक्ट्रिक भेहिकल उत्पादक कम्पनी भिनफास्टले उत्तरी क्यारोलिनामा यसको इभी निर्माण सुविधा निर्माण गर्न ठूलो प्रोत्साहन प्याकेज प्राप्त गरेको घोषणा गर्यो।

कम्पनीले १.२ अर्ब डलर अर्थात पुरानो उत्तरी राज्यको इतिहासमा सबैभन्दा ठूलो प्रोत्साहन प्याकेज पाएको इलेक्ट्रेकले रिपोर्ट गरेको छ।

नयाँ इभी अटोमेकर भिनफास्टले उत्तर अमेरिकी र युरोपेली बजारहरूमा एकैसाथ प्रवेश गर्ने बिजुलीको द्रुत गति सहित नयाँ लगानी गरिरहेको छ।

त्यो प्रक्रिया आधिकारिक रूपमा गत साता सुरु भयो जब भिनफास्टले अमेरिकामा आफ्नो पहिलो छ ओटा स्टोरहरू खोल्यो, र ति सबै क्यालिफोर्नियामा छन्।

भिनफास्टसँग यसको पहिलो दुई इभीहरु – भिएफ८ र भिएफ९ को आरक्षण प्रबर्द्धन गर्न अमेरिकाका अन्य क्षेत्रहरूमा विस्तार गर्नु अघि मात्र क्यालिफोर्नियाको लागि कम्तिमा ३० ओटा पसलहरू स्थापनाको योजना गरिएको छ। यी मोडेलहरू प्रारम्भिक रुपमा भियतनाममा उत्पादन गरिनेछ तर पछि नर्थ क्यारोलिनाको प्लान्टमा उत्पादन सार्नेछ।

भिनफास्टले गत मार्चमा अमेरिकामा नर्थ क्यारोलिनालाई यसको उत्पादन केन्द्र बनाउने निर्णय गरेको थियो। र हाल अटोमेकरलाई राज्यको पूर्ण समर्थन रहेको छ, जसले प्रोत्साहनका लागि कुल १.२ अर्ब डलरको घोषणा गरेको हो।

कम्पनीले नर्थ क्यारोलिनामा पहिलो चरणमा २ अर्ब डलर लगानी गर्नेछ भने १५ हजार इभीहरु वार्षिकरुपमा उत्पादन गर्नेछ। कम्पनीले यसै वर्षदेखि नयाँ प्लान्ट स्थापना शुरु गरेर सन् २०२४ सम्ममा उत्पादन शुरु गर्ने बताईएको छ।