काठमाडौं ।
एप्पलका सहसंस्थापक स्टिभ जब्सलाई अमेरिकी सरकारले उच्च नागरिक अवार्ड प्रेसिडेन्सियल मेडल अफ फ्रिडम प्रदान गर्ने भएको छ।
बाइडेन प्रशासनले यस वर्षको लागि प्रेसिडेन्सियल मेडल अफ फ्रिडम अर्थात स्वतन्त्रताका लागि राष्ट्रपति पदक प्राप्तकर्ताहरूको घोषणा गरेको छ। १७ प्राप्तकर्ताहरूको सूचीमा एप्पलका दिवंगत सीईओ र सहसंस्थापक स्टिभ जब्स समेत समावेश छन्। यो अवार्ड आगामी जुलाई ७ मा जब्सलाई मरणोपरान्त प्रदान गरिनेछ।
विश्वको सञ्चारको तरिका परिवर्तन गर्नका साथै “कम्प्यूटर, संगीत, चलचित्र र वायरलेस उद्योगहरूलाई रूपान्तरण गर्न” को लागि उनको भूमिकाको लागि कामलाई मरणोपरान्त ‘प्रेसिडेन्सियल मेडल अफ फ्रिडम’ प्रदान गरिने बताईएको छ।
अमेरिकी राष्ट्रपति बाडेनको घोषणाले व्याख्या गर्दछ: ‘स्टीभ जब्सले एप्पल इंकका सह-संस्थापक, प्रमुख कार्यकारी र अध्यक्ष, पिक्सारका सिईओ र वाल्ट डिज्ने कम्पनीमा प्रमुख भूमिका निभाएका थिए। उनको दृष्टि, कल्पना र रचनात्मकताले आविष्कारहरू निम्त्यायो जसले संसारको सञ्चार गर्ने तरिकालाई परिवर्तन गर्न, साथै कम्प्युटर, संगीत, चलचित्र र वायरलेस उद्योगहरूलाई रूपान्तरण गर्दछ।’
स्वतन्त्रताको लागि राष्ट्रपति पदक संयुक्त राज्य अमेरिकामा “सर्वोच्च नागरिक सम्मान” हो। यो “संयुक्त राज्य अमेरिकाको समृद्धि, मूल्यमान्यता वा सुरक्षा, विश्व शान्ति, वा अन्य महत्त्वपूर्ण सामाजिक, सार्वजनिक वा निजी प्रयासहरूमा उदाहरणीय योगदान” भएकाहरूलाई प्रस्तुत गरिन्छ।
पेन्क्रिएटिक क्यान्सरसँगको लडाईँमा अक्टोबर ५, २०११ मा जब्सको निधन भएको थियो।
९टू५ म्याकको रिपोर्टअनुसार ‘मेडल अफ फ्रिडम’ मरणोपरान्त दिईएको घटना दुर्लभ छन् । यस वर्ष, अन्य मरणोपरान्त प्राप्तकर्ताहरूमा जोन म्याककेन र रिचर्ड ट्रम्का समावेश छन्।
प्रकाशित: १८ असार २०७९, शनिबार
