काठमाडौं ।
ट्विटर किन्ने प्रयासमा रहेका विश्वका सबैभन्दा धनी अर्बपति इलन मस्कको स्पेसएक्स सबैभन्दा मूल्यवान अमेरिकी स्टार्टअप बन्न तयार भएको छ।
अमेरिकी दोस्रो बजारमा चलिरहेको सेयर बिक्रीमा यसको मूल्य१२५ अर्ब डलर भन्दा बढि पुगेको यस विषयमा परिचित स्रोतहरूलाई उदृत गर्दै रोयटर्सले रिपोर्ट गरेको छ।
लगभग ७२ डलरमा बजारमा गएको सेयरहरू, गत अक्टोबरदेखि मूल्याङ्कनमा उकालो लाग्यो, जब स्पेसएक्सको शेयरहरू १०-१ को रेसियोमा विभाजन पछि ५६ डलरमा बिक्री भएको थियो र रकेट कम्पनीको मूल्य १०० अर्ब डलर थियो।
सेकेन्डरी अफरमा कुनै नयाँ शेयर जारी गरिएको छैन, तर कम्पनीले लगानीकर्ताहरूलाई यो वर्षपछि त्यसो गर्न सक्ने संकेत गरेको छ।
यसले फिनटेक जायन्ट ‘स्ट्राइप’लाई उछिनेर सेयर बिक्रीले स्पेसएक्सको मूल्य १२५ अर्ब डलर भन्दा बढी हुन सक्नेछ। जुन माध्यमिक बिक्रीमा ११५ अर्ब डलरमा थियो।
रिपोर्टअनुसार कम्पनीले कति सेयर बिक्रीका लागि उपलब्ध गराएको हो भन्ने खुल्न सकेको छैन। उच्च मूल्यवान निजी कम्पनीहरूले दोस्रो बजारमा प्रारम्भिक लगानीकर्ता र कर्मचारीहरूलाई तरलता उपलब्ध गराउन शेयर प्रस्ताव गर्नु सामान्य हो।
स्पेसएक्सको ४४% स्वामित्वमा रहेका र ट्विटर इन्क प्राप्त गर्न ४४ बिलियन डलरको सम्झौतामा हस्ताक्षर गरेका प्रमुख कार्यकारी मस्क बिक्रेताहरूमध्ये छन् कि छैनन् भनेर स्पष्ट छैन्। मस्क टेस्ला इंकका प्रमुख कार्यकारी पनि हुन्।
नियामक फाइलिङहरू अनुसार, पुँजी अधिक चाहिने व्यवसायमा, स्पेसएक्सले डिसेम्बरमा ३३ करोड ७४ लाख डलर र गत अप्रिलमा १.१६ अर्ब डलर इक्विटी फाइनान्सिङ उठाएको छ।
कम्पनीले अमेजन डट कमका पूर्व प्रमुख कार्यकारी जेफ बेजोसको अन्तरिक्ष उद्यम ब्लू ओरिजिन र अर्बपति रिचर्ड ब्रान्सनको भर्जिन ग्यालेक्टिकसँग व्यावसायिक रकेट उद्यमहरूको बढ्दो कन्स्टलेसन नेटवर्सँग प्रतिस्पर्धा गर्छ।
स्पेसएक्सले यस वर्ष मात्रै १९ रकेट प्रक्षेपण सहित राष्ट्रिय एरोनटिक्स र स्पेस एडमिनिस्ट्रेशन (नासा) को लागि अन्तर्राष्ट्रिय अन्तरिक्ष स्टेशनमा धेरै कार्गो पेलोडहरू र अन्तरिक्ष यात्रीहरू लन्च गरिसकेको छ।
प्रकाशित: ४ जेष्ठ २०७९, बुधबार
