काठमाडौं ।
एप्पल आईफोन १३ को लोकप्रियता पछि, अब सबैलाई आगामी एप्पल आईफोन १४ को प्रतीक्षा छ। वास्तवमा नयाँ आइफोनको पहिलो रेन्डर तस्बिर बाहिर आएको छ, त्यसैले सबैको ध्यान त्यतातिर गएको छ।
एप्पल आईफोन १४ प्रो म्याक्सको कम्प्युटर एडेड डिजाइन वा क्याड रेन्डर लीक भएपछि इन्टरनेटमा धेरै चर्चा भएको छ।
आईफोन १४ टेक्नोलोजीको संसारमा सबैभन्दा प्रतिक्षित र धेरै प्रतिक्षा गरिएको स्मार्टफोन मध्ये एक हो। स्राइम्पएप्पलप्रो नामक प्रयोगकर्ताले ट्विटरमा आईफोन १४ प्रो म्याक्सको क्याड रेन्डरहरू साझा गरेका छन्।
फोटोहरू अप्रिल ४ मा अपलोड गरिएको थियो र चाँडै अप्रिल ५ मा फोनको भित्री र बाहिरी विवरणहरूको बारेमा थप विवरणहरू खुलासा गरियो।
साझा गरिएको जानकारी अनुसार, आईफोन १४ प्रो म्याक्समा 1.95 एमएमको बेजेल हुनेछ जुन २.४२ एमएम बेजेल भएको आईफोन १३ प्रो म्याक्स भन्दा पातलो छ।
साथै, आगामी फोनमा इयरपिसको उचाइ ०.५७ एमएम हुने बताइएको छ, जुन आईफोन १३ प्रो म्याक्सको १.५२ एमएमभन्दा पनि कम छ।
यसबाहेक, आईफोन १४ प्रो म्याक्सलाई साइड बटनको साथ ७८.५३ एमएम लम्बाइ हुने मानिएको छ।
Here are the images of the cad file and full measurements of iPhone 14 Pro Max that I obtained. I will share more details about it in the coming newsletter. ???? pic.twitter.com/CTLLVOtgb7
— ShrimpApplePro ???? ずっと真夜中でいいのに (@VNchocoTaco) April 4, 2022
फोनमा कटआउटदेखि स्क्रिनको माथिसम्मको दूरी २.२९ एमएम छ, जबकि, ग्लासको पछाडिबाट माथिसम्मको क्यामरा बम्पको उचाइ ४.१८ एमएम रहेको छ।
साथै, आईफोन १४ प्रो म्याक्समा मेटल रिङ्गसहितको रियर क्यामराको व्यास १३.८५ एमएम देखिएको छ, जबकि मेटल रिङ्ग ८.०५ एमएम रहेको उल्लेख गरिएको छ। प्रयोगकर्ताका अनुसार आगामी फोनमा ६.९ एमएमको रियर फ्ल्यास व्यास र ६.५ एमएमको लाइडार सेन्सर डायमिटर हुने अपेक्षा गरिएको छ।
समग्रमा, आईफोन १४ प्रो म्याक्सको डिजाइन यसको पुरानो डिभाइस आईफोन १२ मोडलहरू र आईफोन १३ प्रो मोडेलहरूसँग मिल्दोजुल्दो हुने बताईएको छ।
प्रकाशित: २४ चैत्र २०७८, बिहीबार
