काठमाडौं ।
नेपालमा चालु आर्थिक वर्ष २०८३/८४ को दोस्रो महिना भदौ मसान्तसम्म ६ करोडमाथिको सीसीटीभी क्यामरा आयात भएको छ।
भन्सार विभागले हालै सार्वजनिक गरेको आर्थिक वर्ष २०८३/८४ को उक्त अवधिसम्मको वैदेशिक व्यापारको तथ्याङ्कमा यस्तो उल्लेख छ।
यो अवधिमा ६ करोड ६७ लाख ८८ हजार बराबरको १२ हजार ९९६ थान सीसीटीभी क्यामरा आयात भएको छ। सीसीटीभी क्यामराका लागि यो रकम देशबाहिर जाँदा सरकारले १ करोड १७ लाख ६ हजार रुपैयाँ राजस्व संकलन गरेको छ।
भन्सार विभागको तथ्याङ्क अनुसार यो अवधिमा नेपालमा विश्वका ७ मुलुकबाट उक्त परिमाणको सीसीटीभी क्यामरा आयात भएको देखिन्छ।
यसरी आयात भएका सीसीटीभी क्यामरालाई सीसीटीभी क्यामरा (हाइ स्पीड) र अन्य सीसीटीभी क्यामरा गरी तीन भागमा वर्गीकरण गरिएको छ।
सबैभन्दा धेरै सीसीटीभी क्यामरा आयात गर्नेमा चीन पहिलो नम्बरमा छ। उक्त अवधि भर चीनबाट ३ करोड ९० लाख ७१ हजार मूल्य बराबरको १२ हजार ३०३ थान, भारतबाट २ करोड १ लाख २३ हजार मूल्य बराबरको ६७० थान आयात भएको छ।
यस्तो छ तथ्याङ्कः
| क्र. सं. | देश | परिमाण | रकम |
| १ | चीन | १२३०३ | ३९०७१ |
| २ | भारत | ६७० | २०१२३ |
| ३ | क्याम्बोडिया | ५ | ३६२ |
| ४ | हङकङ | १ | १ |
| ५ | प्रोर्चुगल | २ | २९३७ |
| ६ | कतार | १ | ९ |
| ७ | बेल्जियम | १५ | ४२४५ |
प्रकाशित: १५ आश्विन २०८३, बिहीबार
