सामसङले वान यूआई ९ को आधिकारिक डेब्यू नजिकिँदै गर्दा थप डिभाइसहरूमा त्यसको परीक्षण सुरु गर्यो

काठमाडौं ।

सामसङले मे महिनामा ग्यालेक्सी ए२६ को लागि एन्ड्रोइड १६–आधारित वान यूआई ८.५ स्टेबल अपडेट जारी गरेको थियो। अब कोरियाली ब्रान्डले ग्यालेक्सी ए२६ स्मार्टफोनको लागि एन्ड्रोइड १७–आधारित वान यूआई ९ मा काम गर्न सुरु गरेको थाहा हुन आएको छ।

सामसङले ग्यालेक्सी ए२६ को लागि मात्र नभएर वान यूआई ९ सँग परीक्षण गरिँदै गरेका अन्य ग्यालेक्सी डिभाइएसहरूको नयाँ सूची सार्वजनिक गरेको जीएसएमएरिनाले रिपोर्ट गरेको छ।

सामसङले ग्यालेक्सी एस२६ सिरिजको लागि मात्र वान यूआई ९ बिटा कार्यक्रम खोलेको छ र त्यसले अहिलेसम्म तीनओटा वान यूआई ९ बिटा अपडेटहरू प्राप्त गरिसकेको छ।

बाँकी डिभाइसहरूले कहिले वान यूआई ९ को बिटा-स्टेबल बिल्डहरू प्राप्त गर्नेछन् भन्ने बारेमा थाहा नभए पनि सामसङको आगामी फोल्डिङ स्मार्टफोनहरू डिभाइसमै वान यूआई ९ भएका पहिलो डिभाइसहरु हुनेछन्। ती डिभाइसहरू यो महिनाको उत्तरार्धमा लन्डनमा एक कार्यक्रममा अनावरण हुने हल्ला छ।