जेठ मसान्तसम्म साढे २५ अर्ब बराबरका ११ हजार हाराहारी चारपाङ्ग्रे विद्युतीय सवारी आयात

काठमाडौं ।

चालु आर्थिक वर्ष २०८२/८३ को एघारौं महिना २०८३ जेठ मसान्तसम्ममा नेपालमा २५ अर्ब ५५ करोड ९९ लाख १६ हजार रुपैयाँ बराबरको १० हजार ८ सय ४५ थान चारपाङ्ग्रे विद्युतीय सवारी साधान आयात भएको छ।

भन्सार विभागले हालै सार्वजनिक गरेको चालु आर्थिक वर्ष २०८२/८३ को २०८३ जेठ महिनासम्मको वैदेशिक व्यापार प्रतिवेदनमा यो आँकडा उल्लेख गरिएको पाइएको हो।

प्रतिवेदनका अनुसार यसरी भित्रिएका चारपाङ्ग्रे सवारी साधनमा विशेषगरी सामान्य कार, जीप र भ्यानका साथै अतिरिक्त मोटर पावर भएका कार, जीप र भ्यान रहेका छन्। यो सूचीमा तीनपाङ्रे र दुईपाङ्रे सवारी साधनलाई समावेश गरिएको छैन।

भन्सार विभागका अनुसार यस अवधिमा चीन, भारत र जर्मनी, द. कोरिया, थाइल्याण्ड, अस्ट्रिया, अमेरिका र बेलायत गरी विश्वका ८ देशबाट ती सवारी साधन भित्रिएका हुन्।

उक्त परिमाणको आयातमार्फत् सरकारले १५ अर्ब ४७ करोड ६२ लाख ३५ हजार रुपैयाँ राजस्व आम्दानी गरेको छ।

यस्तो छ आयातको विवरण:

५० किलोवाटसम्मको कार, भ्यान र जीप

५१ देखि १०० किलोवाटदेखि सम्मको कार, भ्यान र जीप

१०१ देखि २०० किलोवाटदेखि सम्मको कार, भ्यान र जीप

२०१ देखि ३०० किलोवाटसम्मको कार, भ्यान र जीप