काठमाडौं ।
पहिले आफ्नो जीव्स नामक बटलर मस्कटको लागि परिचित सर्च इन्जिन आस्क डट कम आधिकारिक रूपमा बन्द भएको छ। आस्क जीव्स सन् २००६ मा आफ्नो नयाँ मालिक इन्टरएक्टिभकर्प द्वारा आस्क डट कममा पुनः ब्रान्ड गरिएको थियो। यो पछिल्लो बन्दले कम्पनीको सर्च व्यवसायलाई पूर्ण रुपमा समाप्त गरेको छ।
“आईएसीले आफ्नो ध्यान केन्द्रित गर्न जारी राख्दै गर्दा, हामीले हाम्रो खोज व्यवसाय बन्द गर्ने निर्णय गरेका छौँ र त्यसमा आस्क डट कम समावेश छ” वेबसाइटमा उल्लेख गरिएको छ। “२५ वर्षसम्म विश्वका प्रश्नहरूको जवाफ दिएपछि आस्क डट कम आधिकारिक रूपमा मे १, २०२६ मा बन्द भएको छ” भनेर थप उल्लेख गरिएको छ।
साथै आफ्ना लाखौं प्रयोगकर्ताहरूलाई धन्यवाद दिँदै “जीव्सको आत्मा रहि रहनेछ” भनेर वेबसाइटमा उल्लेख गरिएको छ। इन्टरनेटको प्रारम्भिक दिनहरू अब अवशेषको रुपमा हराएको देख्नु दुःखद कुरा भएको उल्लेख गरिएको छ।
त्यसैगरी प्राकृतिक भाषामा विस्तृत उत्तरहरू प्रदान गर्न निर्माण गरिएको जीव्स आजको एआई च्याटबटहरू जस्तै च्याटजीपीटीको अग्रदूतको रूपमा काम गर्न सक्ने उल्लेख गरिएको छ।
‘अब आस्क डट कम पनि २०१३ मा बन्द भएको अल्टाभिस्टाजस्ता प्रतिस्पर्धीहरू समावेश रहेको इन्टरनेट ग्रेभयार्ड (चिहान) मा सामेल भएको छ। आस्क डट कमसँगै एआईएम र एओएल डायल–अप सेवाहरू पनि बन्द हुँदैछन् र अब हामी साँच्चै इन्टरनेटको एक विशिष्ट युगको अन्त्यमा आउँदैछौं’, इनग्याजेटले रिपोर्ट गरेको छ।
प्रकाशित: २२ बैशाख २०८३, मंगलवार
