काठमाडौं ।
आगामी समयमा र्याम अभावले स्मार्टफोनको मूल्यमा ठूलो असर पर्ने अपेक्षा गरिएको छ तर एप्पल इंक यसबाट धेरै प्रभावित नहुने देखिएको छ। विश्लेषक जेफ पु को नयाँ अनुसन्धान नोट अनुसार एप्पलले आफ्ना आगामी आईफोन १८ प्रो र आईफोन १८ प्रो म्याक्सका लागि “आक्रामक मूल्य निर्धारण” गर्ने तयारी गरिरहेको जीएसएमएरिनाले उल्लेख गरेको छ।
दुर्भाग्यवश उनले यसको ठ्याक्कै मूल्य खुलाएका छैनन् र यसले अनुमानमै छोडेको छ। तर मिङ-चि कुओका अघिल्ला रिपोर्टहरू अनुसार, दुवै प्रो Pro मोडेलको सुरुआती मूल्य अघिल्लो मोडेलकै बराबर रहने बताइएको थियो।
अमेरिकामा आईफोन १८ प्रो को मूल्य १ हजनर ९९ डलर र आईफोन १८ प्रो म्याक्सको १ हजार १९९ डलरबाट सुरु हुने बताइएको छ। तर बेस मोडेल बाहेकका अन्य संस्करणहरूको मूल्य बढ्न सक्ने सम्भावना छ र Pu ले भनेको “आक्रामक मूल्य रणनीति” अन्य देशहरूमा पनि लागू हुन्छ कि हुँदैन भन्ने स्पष्ट छैन।
एप्पलले मुख्य (सुरुआती) मूल्यलाई अघिल्लो वर्षजस्तै राखेर प्रयोगकर्तालाई मूल्य नबढेको जस्तो महसुस गराउन चाहेको देखिन्छ जबकि र्यामको बढेको लागत महँगा भेरियन्टहरूलाई अझ महँगो बनाएर सम्हाल्ने रणनीति अपनाउन सक्छ। यो रणनीति रोचक देखिन्छ, तर कति सफल हुन्छ भन्ने हेर्न बाँकी छ।
प्रकाशित: २० बैशाख २०८३, आईतवार
